TARAZ. 16 qazan. Jambyl oblysynda dánekerleýde paıdalanylatyn jamylǵysy bar qospa sym shyǵaratyn zaýyt iske qosyldy. Bul týraly Jambyl oblysy ákiminiń baspasóz qyzmetine silteme jasaǵan egemen.kz tilshisi habarlady.
Dánekerleý jumystarynda keń kólemde qoldanylatyn jamylǵysy bar qospa sym shyǵaratyn bul zaýyt ázirge ońtústik óńirdegi jalǵyz kásiporyn. Qurylysy bıylǵy jyldyń aqpan aıynda bastalǵan bolatyn. Jobanyń qýattylyǵy jylyna – 1200 tonna. Quny 70 mln teńgeni quraıdy.
Iske qosylǵan zaýytta qospa symnyń 2 túri shyǵarylady. Olar túrli temirden jasalǵan buıymdardy dánekerleýge paıdalanylady. О́nim óndirýge qajetti shıkizatty kásipker Qytaı, Reseı, Ýkraınadan tasymaldaýda. Avtomatty túrde jumys isteıtin qurylǵylar Qytaı elinen ákelingen.
Qazir zaýytta 20 jańa jumys orny ashyldy. Eńbekkerlerdiń ortasha jalaqysy 70-80 myń teńge bolady dep kútilýde.
Oralhan Dáýit.
Derek, sýret: egemen.kz.
