Atyraýda zańsyz aınalymnan 100-den asa dıski tárkilendi

ATYRAÝ. 13 qazan. Atyraý oblysynyń polıseıleri «Kontrafakt» jedel aldyn alý sharasynda zańsyz saýda aınalymynan DVD túrindegi dıskini tárkilep, zııatkerlik menshik quqyǵyn buzǵan 8 faktini anyqtady. Bul týraly oblystyq ishki ister departamentiniń baspasóz qyzmetine silteme jasaǵan egemen.kz tilshisi habarlady. «Shara barysynda polısııa qyzmetkerleri jasyryn túrde paıdalaný úshin aýdıo-beıne kamerasy ornatylǵan saǵat satyp turǵan azamat anyqtaldy. Onyń ústinen Qylmystyq kodekstiń 399-baby boıynsha qylmystyq is kóterildi. Sonymen qatar, pornografııalyq belgileri bar 12 fılm jazylǵan 1 DVD dıskini satyp turǵan atyraýlyq turǵynnyń ústinen Qylmystyq kodekstiń 311-babymen qylmystyq is qozǵaldy. Budan bólek 24 jastaǵy azamattan 22 dana kontrafaktili dıskiler tabyldy. Taǵy bir azamat dál sondaı 12 dıskini saýdalaý kezinde tárkilendi. Bulardyń ústinen Qylmystyq kodekstiń 198-babymen qylmystyq is qozǵalyp, olardyń kontrafaktili dıskilerdi qaıdan alǵany tekserilýde. Krımınaldy polısııanyń jedel qyzmetkerleri zııatkerlik menshik quqyǵyn buzǵan 8 faktini anyqtady. Olardyń ishinde kontrafaktili taýarlardy zańsyz taratý, DVD dıskilerdi satý boıynsha 20 ákimshilik quqyq buzýshylyqty anyqtap, zańsyz aınalymnan 100-den astam DVD dıskini tárkiledi», – dep habarlady oblystyq ishki ister departamentiniń baspasóz hatshysy Gúlnázıra Muhtarova. Joldasbek Shópeǵul. Derek: Atyraý oblystyq ishki ister departamentiniń baspasóz qyzmeti. Sýret: timeskz.kz.