PAVLODAR. 22 mamyr. Oblys ortalyǵyndaǵy S. Toraıǵyrov atyndaǵy memlekettik ýnıversıtettiń volonterlyq top músheleri halyqaralyq kórmege arnalǵan trenıngke qatysty. Bul týraly egemen.kz tilshisi habarlady.
Trenıng Áleýmettik-volonterlik ortalyǵynyń «Oblystyń qalalary men aýdandarynda volonterlyq jasaqtardyń jumysyn uıymdastyrý jobasyn iske asyrý sheńberinde ótti. Onda stýdentter «Tizbek», «Kópir», «Tamshy, ózen, muhıt», «Jol», «Belgi», «Qyryqaıaqtar júgirisi» sııaqty jattyǵýlarǵa qatysty.
Ýnıversıtette «EKSPO – Bolashaqtyń energııasy» halyqaralyq kórmesine volonterlardy daıyndaýǵa baılanysty qazaq jáne aǵylshyn tilderin oqytý kýrstary bastaldy. Halyqaralyq kórmege volonterlardy daıyndaý ortalyǵy «Men kimmin?», «Sóılemdi aıaqta» sııaqty stýdentterdiń sózdik qoryn baıytýǵa baǵyttalǵan oıyndar arqyly «Men – volonter» jáne «EKSPO tarıhy» taqyryptary boıynsha áńgimelesý sabaqtary boldy. Stýdentter sabaqta EKSPO tarıhyna baılanysty óz oılaryn ortaǵa saldy.
Farıda Byqaı.
Derek, sýret: egemen.kz
