AQSh-ta jazyqsyz 30 jyl túrmede otyrǵan azamat bostandyqqa shyqty

ASTANA. 3 sáýir. AQSh-tyń Alabama shtatynda adam óltirdi degen aıyppen sońǵy 30 jylyn túrmede ótkizgen azamattyń kinásiz ekeni dáleldenip, bostandyqqa shyqty. Bul týraly RIA «Novostı» habarlady. Entonı Reı Hınton esimdi amerıkalyq 1985 jyly qamaýǵa alynǵan. Oǵan Alabamadaǵy restorandardyń birin tonaý kezinde eki adamdy óltirdi degen aıyp taǵylǵan. Tipti, sot ony ólim jazasyna kesken eken. Búginge deıin ol jazanyń oryndalýyn kútip otyrǵan. Taıaýda sot-medısınalyq saraptamasy Hıntonnan tabylǵan tapanshanyń oǵan taǵylǵan aıypqa eshqandaı qatysy joǵyn anyqtady. Advokat Braıan Stıvensonnyń aıtýynsha, Hıntonnyń kinási sol kezde-aq dáleldenbegen. «Onyń bar aıyby - afroamerıkalyq bolýy. Sol sebepti ol kezde bul istiń baıybyna barmastan, eń aýyr jaza taǵaıyndaldy», – deıdi Stıvenson. Saraptama nátıjesine baılanysty is qaıta qaralyp, sot Laýra Petro jańa úkim shyǵardy. Soǵan sáıkes, Hıntonǵa taǵylǵan barlyq aıyp negizsiz dep tanylyp, ol bostandyqqa shyqty. Elaman Qońyr. Derek, sýret: RIA «Novostı».