Fýtbol. Kelesi maýsymda otandyq premer-lıgada 14 komanda oınaıdy

ASTANA. 3 sáýir. Búgin Astanada Qazaqstan fýtbol federasııasynyń kezekti HII konferensııasy ótti. Jıyn barysynda kelesi maýsymnan bastap fýtboldan Qazaqstan premer-lıgasynda 14 komanda oınaıtyny belgili boldy. Bul týraly egemen.kz habarlady. Federasııa prezıdenti Erlan Qojaǵapanov osy máselege arnaıy toqtalyp: «Kelesi maýsymnan bastap premer-lıga qaıtadan eki aınalym júıesine kóship, onda 14 komanda oınaıtyn bolady. Osyǵan qatysty atqarýshy komıtetke arnaıy tapsyrmalar júkteledi», – dedi. Sonymen qatar, basqosýda fýtbol qaýymdastyǵynyń qazaqstandyqtarǵa baǵyttalǵan úndeýi qabyldandy. Úndeýde: «Búginde elimizde 700 myńnan astam adam, onyń ishinde 386 myń bala turaqty túrde fýtbolmen aınalysady. Tórt mıllıonnan astam adam bos ýaqytyn sportqa arnaıdy. Bul kórsetkish jyldan jylǵa artyp keledi. Qazaqstanda fýtbol ınfraqurylymy salynyp, fýtbol alańdary ashyldy. Stadıondar men sporttyq-saýyqtyrý keshenderi salynýda», – delingen. Konferensııaǵa qatysýshylar otandyq sporttyń Elbasynyń tikeleı qoldaýymen damyp otyrǵanyn aıtty. Elaman Qońyr. Derek: egemen.kz. Sýret: prosportkz.kz.