PETROPAVL. 22 mamyr. Oblys ákimi Erik Sultanovtyń qatysýymen balalar men jasóspirimder shyǵarmashylyq ortalyǵynda mádenıet jáne óner qyzmetkerleriniń kúni saltanatty jaǵdaıda merekelendi. Bul týraly ákimdiktiń baspasóz qyzmeti habarlady.
Búginde óńirde 3 teatr, 237 klýb, 312 kitaphana, 12 murajaı quramynda 2 myńǵa jýyq mádenıet jáne óner qyzmetkerleri jumys istep, rýhanı salaǵa qaltqysyz qyzmet etip keledi. Erik Hamzauly olardy kásiptik merekemen quttyqtap, shyǵarmashylyq shabyt, eńbekte tabys tiledi.
Bir top óner ıeleri túrli marapattaýlarǵa ıe boldy. Atap aıtqanda, jeti adamǵa mádenıet jáne sport mınıstrliginiń «Mádenıet salasynyń úzdigi» tósbelgisi, 23 adamǵa Qurmet gramotasy, 10 adamǵa aımaq basshysynyń alǵys hattary men madaq qaǵazdary tabys etildi.
Resmı bólim aıaqtalǵannan keıin jurtshylyq jergilikti ónerpazdardyń konsertin tamashalady. Osy merekege arnaıy kelgen halyqaralyq konkýrstardyń laýreattary Oleg Romashın men Vladımır Rodıonovtyń tamyljyta slǵan ánderi qulaq quryshyn qandyrdy.
О́mir Esqalı.
Derek, sýret: Soltústik Qazaqstan oblysy ákimdiginiń baspasóz qyzmeti.
