AQTAÝ. 22 mamyr. Mańǵystaýda respýblıkalyq «Kaspıı kókjıegi» atty sýretshilerdiń plener baıqaýy ótti. Bul týraly egemen.kz tilshisi habarlady.
Mańǵystaý oblystyq mádenıet basqarmasy uıymdastyrǵan baıqaý Qazaq handyǵynyń 550 jyldyǵyna arnaldy. Oǵan Astana, Almaty, Shymkent, Taraz jáne Aqtaý qalalarynan 15 sýretshi qatysty.
Baıqaý qorytyndysy boıynsha bas júlde almatylyq sýretshi Qabóke Oralbekke buıyrdy. Soǵan sáıkes ol 200 myń teńge aqshalaı syıaqyny ıemdendi. Birinshi oryn (150 myń teńge) astanalyq Asemkýl Beıbitke, árqaısysynyń júlde qory 100 myń teńgelik eki ekinshi oryn Almaty qalasynan kelgen Baqyt Seısenhanuly men tarazdyq Dastan Orazahanovqa buıyrdy.
Qazylar alqasynyń sheshimimen, jeke júlde qorlary 80 myń teńgeni quraıtyn úsh úshinshi orynnyń ıegerleri almatylyqtar Soı Svetlana men Almas Nurǵojaev, sondaı-aq, jańaózendik sýretshi Asylbek Ezdjanov bolyp tanyldy. Sonymen qatar, 50 myń teńgeden syıaqy taǵaıyndalǵan «Úzdik shyǵarma» nomınasııasyna Astana qalasynan kelgen Jeńis Moldabekov, shymkenttik sheber Mámbet Ýálıev, Almaty qalasynyń sýretshisi Erjan Tanaev jáne astanalyq Baqytjan Arıpov ıe boldy. Sondaı-aq, yntalandyrý syılyǵy (20 myń teńge) Meıirjan Esenov, Berik Sársenbaev, Jansaıa Kıikbaı, Jansaıa Kenjeǵalı sekildi aqtaýlyq 4 sýretshige berildi.
Gúlaıym Shyntemirqyzy.
Derek, sýret: egemen.kz.
