Parıjde sýpermarketten quny 4 mln. eýrony quraıtyn esirtki tabyldy

ASTANA. 3 sáýir. Fransııa astanasy - Parıjdegi «Ashan» sýpermarketiniń qoımasynan 80 kg. kokaın tabyldy. Esirtkini eń alǵash saýda ortalyǵynyń qyzmetkerleri baıqaǵan. Bul týraly RIA «Novostı» habarlady. Qyzmetkerler qoımaǵa banan alýǵa kelgen. Qoraptardyń birin ashqan kezde olar belgisiz untaqqa tap bolǵan. Jergilikti quqyq qorǵaý organy ókilderiniń aıtýynsha, sýpermarket ákimshiligi birden polısııaǵa habarlasqan. Qorapty syrtqa alyp shyqqan polıseıler untaqty saraptamaǵa jiberdi. Nátıjesinde, onyń esirtki zaty, sonyń ishinde kokaın ekeni anyqtaldy. Tabylǵan esirtkiniń jalpy quny shamamen 4 mıllıon eýrony quraıdy. Aldyn ala boljam boıynsha, bul taýar Fransııaǵa Kolýmbııadan jetkizilgen. Al azyq-túlik dúkenine qatelesip ákelinýi múmkin. Qazir osy iske qatysty tergeý jumystary júrgizilýde. Polıseıler iri kólemde esirtki saýdasymen aınalysatyn qylmyskerler men olarǵa shetelden jetkizip berýshilerdi izdeý sharalaryn bastap ketti. Elaman Qońyr. Derek, sýret: RIA «Novostı».