Qostanaı oblysynda órtten ajal qushqandar sany 66 paıyzǵa artqan

QOSTANAI. 22 mamyr. Qostanaı oblysynda órtten ajal qushqandar sany azaımaı tur. Bıyl jyl basynan beri 15 adam ot qushaǵynda jan tapsyrǵan. О́rtten bolǵan adam ólimi ótken jyldyń alǵashqy tórt aıy merzimimen salystyrǵanda 66 paıyzǵa ósken.  Bul týraly egemen.kz tilshisi habarlady. Osy 15 adamnyń 14-i jeke turǵyn úılerde shyqqan órtten qaza tapqan. Jalpy jyldyń basynan bergi 4 aıda oblysta 294 órt tirkelgen, adam shyǵynyn aıtpaǵanda, 3 mıllıon 523 myń teńge materıaldyq shyǵyn bolǵan. Oblysta oryn alǵan órt oqıǵalary ótken jyldyń alǵashqy tórt aıymen salystyrǵanda 4 paıyzǵa kóp. О́tken jyldardaǵy sekildi órttiń negizge basym bóligi turǵyn úılerden shyǵady, bıyl olarda 200 órt tirkelgen. Olardyń sany qala men aýylda bir deńgeıde. Oblystaǵy Tótenshe jaǵdaılar deparmamenti bastyǵynyń mindetin atqarýshy Vıktor Shıllerdiń aıtýynsha, órt bolǵan jerde adamdardy ólimi olardyń sasyp qalýynan, órtti sóndirýde durys áreket etpeýinen, sonymen qatar uıyqtap qalý jáne ishimdik ishýden bolady. Tótenshe jaǵdaılar departamenti bastyǵynyń mindetin atqarýshy Vıktor Shıller: «Úılerdegi órttiń shyǵýyna da, adam ólimine basty sebep adam faktory.  Peshti jaqqanda erejeler durys saqtalmaıdy jáne ishimdiktiń saldary mol. Qazir órtke qarsy qyzmettiń jeke sektordaǵy úılerde tekserý jumystaryn júrgizýi zańdarda qaralmaǵan. Ásirese, turǵyndarmen aqparattyq-nasıhat jumystaryna qatysty», dedi. Názıra Járimbetova. Derek, sýret: egemen.kz