Qostanaı oblysynda 3 jel elektr stansasy salynatyn bolady

QOSTANAI. 22 mamyr. Qostanaı oblysynda energetıkany balamaly túrde óndirýdi jáne jańǵyrtýdy damytý jónindegi 2015-2020 jyldar arlyǵyna arnalǵan sharalar jospary oblystyq málıhatynda bekitildi. Bul týraly egemen.kz tilshisi habarlady. Jospar Qazaqstan Úkimetiniń elektr energııasy kózderin jańǵyrtý jónindegi 106 joba engizilgen qaýlysy boıynsha jasalǵan. Onda 2 joba Qostanaı oblysy óńirinde jelmen óndiriletin elektr stansasyn salýǵa arnalǵan. Bul elektr sstansalary Arqalyq qalasy mańy men Meńdiqara aýdandarynda salynatyn bolady. Oblystyq energetıka jáne kommýnaldyq sharýashylyq basqarmasy bastyǵynyń mindetin atqarýshy Haıdar Qambarov: «Arqalyq mańyndaǵy 48 MVt qýattylyǵy bar jel elektrstansasynyń qurylysyn «KazWindEnergy» jaýapkershiligi shekteýli seriktestigi júrgizedi. Ol aýmaqtyq Indýstrııalandyrý kartasyna kiredi. Al Meńdiǵara aýdanynda ornalasatyn 30 MVt qýattaǵy stansany oblys ákimdigimen yntymaqtastyq toýraly kelisimi bar «EcoWind Ltd» jaýapkershiligi shekteýli seriktestigi salatyn bolady», dedi. Bulardyń syrtynda Qostanaı oblysynda bir jelelektrstansasynyń qurylysy túspek. Ol Sarysý aýdanynda bolady. Saǵatyna 1,5 MVt qýatta jumys isteıtin stansa memlekettik baǵdarlamaǵa kirmeıdi. О́ıtkeni Úkimet qaýlysymen bekitilgen joǵarydaǵy josparda tek 5 MVt qýattylyǵy bar jelelektrstansalary ǵana qamtylǵan. Haıdar Qambarovtyń aıtýynsha, elektr energııasynyń tapshylyǵy bilinetin Qostanaı oblysynda bul jelmen óndiriletin elektr stansalary syrttan elektr energııasyn tasymaldaýdy azaıtýǵa septigin tıgizetin bolady. Názıra Járimbetova. Derek, sýret: egemen.kz