О́SKEMEN. 5 shilde. Aleksandr Pýshkın atyndaǵy oblystyq kitaphanada oblys ákiminiń orynbasary Jaqsylyq Omar, oblystyq ardagerler keńesiniń tóraǵasy Vasılıı Ahaev, oblystyq jumyspen qamtý jáne áleýmettik baǵdarlamalardy úılestirý basqarmasynyń basshysy Aıjan Sadyqovanyń qatysýymen Shyǵys Qazaqstan óńiriniń ardagerlerine arnalǵan www.veteran-vko.kz saıtynyń tusaýkeseri ótti. Bul týraly egemen.kz habarlady.
Uly Jeńistiń 70 jyldyǵyna oraı jasalǵan saıtty oblystyq mádenıet, muraǵat jáne qujattama basqarmasy «Vostok On-Laın» kompanııasynyń tehnıkalyq qoldaýymen iske asyrdy. Jańa saıtty atalǵan basqarma basshysynyń orynbasary Raýshan Nurmuhanova tanystyrdy. Portal «Keńes Odaǵynyń Batyrlary», «Uly Otan Soǵysyna qatysýshylar», «Dańq ordeniniń tolyq kavalerleri», «Tyldaǵy eńbegimen jeńisti shyńdaǵan», «Olardyń esimimen atalǵan», «Ardagerler keńesi» ispetti birneshe bólimderden turady. Saıtta berilgen aqparattar oblystyń muraǵattary men murajaılarynan, kitaphanalarynan alyndy. Aqparattarmen birge qujattar jınaǵy, fotosýretter, maıdan hattary, mektep oqýshylary jazǵan shyǵarmalar endi. Munda soǵys ardagerleriniń basynan keshkenderi, maıdandastary týraly jandy daýysta áńgimelegen beıne jazbalary jınaqtalǵan.
«Saıttaǵy aqparattar únemi tolyqtyrylyp otyrady. Soǵysqa qatysyp, tylda eńbek etken týystary, tanystary jaıly aqparatty jerlesterimiz saıttaǵy «Qonaq kitabyna jazba qaldyrý» aıdaryna qaldyra alady», – dedi Raýshan Nurmuhanova.
Dýman Anash.
Derek, sýret: egemen.kz.
