Aqyn Tursynaı Orazbaevamen qoshtasý
Qýanyshy men qaıǵysy qaptaldasyp qatar júretin ózi tátti, dini qatty ómir-aı... Jan-jaǵymyzdy jalmap, jalańashtaı berdiń-aý... Ne deıin endi saǵan... Professor inim Serik Toıǵambaev Máskeýden: «Aıaýly qaryńdasyń Tursynaı Orazbaeva qaıtys boldy», dep qaıǵyly, qaraly habar jetkizgende eseńgirep, biraz ýaqyt esimdi jınaı almaı qaldym... Qazanyń jeńili joq, al, bul qaza Tursynaı syndy aıaýly qaryndasynan adasyp qalǵan men úshin aýyr. О́te aýyr. Asa aıaýly ulym Danııarymnyń qazasynan soń shuryq tesik bolyp, qany sorǵalaǵan sorly júrek jarasyna tuz sepkendeı boldy bul qaraly habar. Sodan da dene muzdap, júrek syzdap, qalam ustaǵan qolym qaltyrap, ázer jazyp otyrmyn osy joldardy... Tursynaı jyldar boıy ıyqtasyp qatar júrgen syrlas, murattas qaryndasym, qolqanatym, áriptesim, úzeńgiles serigim edi. Ol qazaqtyń talantty, qanatty qyzy-tyn. О́zi aqyn, ári sazger, ári ánshi. Úlbiregen gúldeı názik Tursynaı ult múddesin qorǵar tusta asý bermes alyp taý! Sońǵy 20 jyl bederinde Máskeýde – Jazýshylar odaqtary halyqaralyq qaýymdastyǵynda hatshy qyzmetin minsiz atqarǵan ol berisi TMD, árisi álem ádebıetshilerin jalǵastyrǵan, dostastyrǵan altyn kópir, elshi boldy. Ol óziniń ózgeshe órnegi, óz qoltańbasy bar shyǵarmalarymen ortaǵa kóp olja saldy, qazaq ádebıetiniń mereıin ósirdi О́mir Alla taǵalanyń adamǵa bergen syıy ǵana emes, taıǵaq taǵdyrdyń aýyr syny. Sol synda synbaǵan, óziniń emes, ózgeniń, eń aldymen halqynyń qamyn oılaǵan tereń oıly tekti qaryndasym, Tursynaı ediń! Endi sen de ortamyzdy oısyratyp kettiń. Qarlyǵashyń, qanatyń – aıaýly qyzyń Sardana barda, óziń súıgen, ózińdi súıgen qazaq halqy barda sen umytylmaısyń! Ahmet Baıtursynovtyń sózimen aıtsaq: «Táni kómiler, kómilmes etken isi». Almatyǵa aǵalap! telefon shalatyn, Máskeý barsam júregin qolyna ustap, qustaı ushyp, ushaqtan qýana qarsy alatyn aıaýly qaryndasym- aı! Qosh deımin endi amalsyz. Máńgilik mekeniń nurǵa tolsyn.
Sábıt DOSANOV.
