Rekvıem

Rýhanı kelisim kúni qurmetine «Astana Opera» teatrynyń Úlken zalynda Dj. Verdıdiń 200 jyldan beri ómir súrip kele jatqan ómirsheń týyndysy oryndalmaq. Mýzykalyq qýatymen qaıran qaldyratyn jarqyn shyǵarma opera óne­riniń belgili sheberleri qatysýymen júzege asyrylmaq. Oǵan aıryqsha mán berilip oty­rý­y­nyń taǵy bir sebebi, mundaǵy basty partııany Armenııanyń halyq ártisi Barseg Týmanıan shyrqaıdy. Mes­so-soprano partııasynda – qazaq­standyq kórermenniń súıikti so­lısti, Qazaqstannyń eńbek sińirgen qaıratkeri Dına Hamzına. Sonymen qatar, álemdik deńgeıdegi basqa da teatr­lardyń spektaklderinde jetek­shi partııalardy oryndaýshy Jupar Ǵabdýllına – soprano partııasynda. Marııa teatrynan shaqyrylǵan tenor Mıhaıl Vekýa joǵaryda atalǵan juldyzdar tizimin túıindeıdi. Onyń jibekteı esken tamasha daýysyna Is­panııa, Fransııa, Almanııa, Norvegııa, Nıderland, Avstrııa jáne, t.b. elderdiń jurtshylyǵy etene qanyq. Solardyń ishinen, ánshiniń ótken jyly «Astana Opera» sahnasynda R.Vagnerdiń «Nıbelýng saqınasy» tetralogııasynan «Reın altyny» operasynda Loge partııasyn (ot qudaıy) shyrqaǵanyn atap ótýge bolady. Álemdi moıyndatqan «Astana Ope­ra» teatrynyń ataqty hory men sım­fonııalyq orkestri bas hormeıs­ter, Qazaqstannyń eńbek sińirgen qaıratkeri Erjan Dáýitov pen belgili dırıjer, Qazaqstannyń eńbek sińirgen qaıratkeri Abzal Muhıtdınovtiń basqarýymen óner kórsetýi aıshyqty keshke aıryqsha reńk bereri sózsiz. Eske sala keteıik, «Rekvıem» al­ǵash ret 1874 jyldyń 22 mamyrynda ǵajaıyp hordyń, orkestrdiń jáne ıtalııalyq ánshilerdiń qatysýymen Mılanda oryndalǵan bolatyn. Ol kezde dırıjerlik tizgindi Verdıdiń ózi ustaǵan eken. Sanaýly kúnderden keıin «Rekvıemdi» mılandyq «La Skala» teatry qoısa, odan keıin týyndy Parıjde, Venada, Peterbýrgte hám basqa qalalarda úlken tabysqa jetken. Qaı jerde bolmasyn Verdıdiń aıtýly týyndysyn jurt ystyq yqylaspen qabyldap, tipti keı jaǵdaıda jekelegen nómirlerin qaıtalap tamashalaýdy talap etetin bolǵan. Jalpy, bul «Rekvıem» V.A. Mosarttyń «Rekvıeminiń» janynda atalǵan janrdaǵy eń jıi oryndalatyn shyǵarmalardyń biri bolyp sanalady. Al «Astana Opera» tórinde mýzy­kalyq týyndy erekshe kúıde oryndalady. О́ıtkeni, I Dúnıejúzilik rýhanı kelisim kongresiniń úndeýhatynda 18 qazandy Rýhanı kelisim kúni, qaqtyǵystar men soqtyǵystardy toqtatý kúni, tatýlasý joldaryn izdeý, adamdar arasynda birine biri túsinistikpen qaraýdy qalyptastyrý kúni, jaqyndaryna meıirimdilik pen kómek kórsetý kúni dep jarııalaý týraly sheshim qabyldanǵany málim. Jıyrma jyldan beri elimizde úzilmeı atalyp kele jatqan kelisim merekesimen mundaı iri týyndynyń sáıkes kelýi tegin oqıǵa bolmasa kerek. Qarshyǵa KÚLEN. ASTANA.