Elbasyn Ispanııa koroli men sol eldiń Úkimet tóraǵasy quttyqtady

ASTANA. 5 shilde. Ispanııa Koroli VI Felıpe men Ispanııa Úkimetiniń tóraǵasy Marıano Rahoı Qazaqstan Prezıdentiniń týǵan kúnine baılanysty quttyqtaý jedelhattaryn joldady. Bul týraly akorda.kz habarlady. Korol VI Felıpe Nursultan Nazarbaevty týǵan kúnimen shyn júrekten quttyqtady. Ol sondaı-aq, eki eldiń saıası, ekonomıkalyq jáne mádenı baılanystary oń úrdiste damyp kele jatqanyna nazar aýdardy. Jedelhatta Qazaqstan men Ispanııa arasyndaǵy qarym-qatynastardyń dostyq sıpatta ekeni de atap ótilgen. Sońynda VI Felıpe Qazaqstan halqyna tatýlyq pen baq-bereke tiledi. Marıano Rahoı óz quttyqtaýynda Qazaqstan men Ispanııa eki eldi uzaq ýaqyttan beri baılanystyryp kele jatqan dostyq qatynastardy aldaǵy ýaqytta da nyǵaıta beretinine senim bildirdi. Ispanııa Úkimetiniń tóraǵasy Nursultan Nazarbaevqa baq-bereke tiledi. Elaman Qońyr. Derek, sýret: akorda.kz.