PAVLODAR. 5 shilde. Pavlodar qalalyq máslıhatynyń kezekten tys 54 sessııasynda «Pavlodar qalasynyń qurmetti azamaty» ataǵynyń ıegerleri anyqtaldy. Kýálikter men tósbelgilerdi tapsyrý saltanaty 18 shilde kúni ótedi. Bul týraly egemen.kz tilshisi habarlady.
Mundaı ataqty alǵan 5 adamnyń kandıdatýrasy usynyldy. Olardyń arasynda qala men oblystyń áleýmettik jáne ekonomıkalyq damýyna úles qosqany úshin qalalyq máslıhat depýtattary «Qazaqstannyń eńbek sińirgen qaıratkeri», «Qazaqstannyń qurmetti jýrnalısi», Reseı jýrnalıster odaǵynyń «Eńbek sińirgeni úshin» ordeniniń ıegeri Muhıt Omarovtyń kandıdatýrasy maquldandy. Sondaı-aq, bul marapatqa «Ertis dıdary» gazeti men «Naızatas» jýrnalynyń negizin qalaýshy, Ermakov atyndaǵy syıaqynyń ıegeri, Qazaqstan Jazýshylar odaǵy oblystyq fılıalynyń dırektory Arman Qanı da laıyq dep tanyldy.
Farıda Byqaı.
Derek, sýret: egemen.kz.
