Qazaqstan shahmat federasııasynyń prezıdenti saılandy

ASTANA. 5 shilde. Keshe Qazaqstan shahmat federasııasynyń kezekten tys sezi ótti. Basqosýda federasııanyń prezıdenti bolyp Ǵalymjan Esenov saılandy. Bul týraly atalǵan uıymnyń resmı saıtyna silteme jasaǵan «QazAqparat» habarlady. Habarlamada: «Sezde Qazaqstannyń shahmat federasııasynyń jańa prezıdenti bolyp Ǵalymjan Esenov saılandy. Ol Shakhmardan Yessenov Foundation ǵylym-bilim qorynyń quryltaıshysy, «ATF bank» AQ dırektorlar keńesiniń tóraǵasy», – delingen. Aıta keteıik, buǵan deıin bul qyzmetti Investısııalar jáne damý mınıstri Áset Isekeshev atqarǵan edi. Ol shahmat federasııasynyń qamqorlyq keńesiniń tóraǵasy bolyp saılandy. Federasııa prezıdenti qyzmetinen bas tartýyn mınıstrliktegi jumys aýqymynyń artýymen túsindirgen mınıstr óziniń Qazaqstanda shahmat oıynynyń damýyna árdaıym barynsha qoldaý kórsetetinin jetkizdi. Elaman Qońyr. Derek, sýret: «QazAqparat».