TARAZ. 19 qazan. Taraz qalasynda Qazaq handyǵynyń 550 jyldyǵyna arnalǵan dene múmkindigi shekteýli jandar arasynda spartakıada ótti. Bul týraly egemen.kz tilshisi habarlady.
Spartakıadanyń basty maqsaty – múmkindigi shekteýli azamattar arasynda salaýatty ómir saltyn qalyptastyrý jáne júıeli túrde sportpen shuǵyldanýǵa tartý, buqaralyq sport túrlerin damytý, paralımpııalyq, paralımpııalyq emes jáne sýrdlımpııalyq sport túrlerin damytý boldy.
Jarysqa Jambyl oblysy ákimdiginiń dene shynyqtyrý sport basqarmasy basshylyq etip, «Bolashaq mektebi», «Dos-Taraz», №1 Qarttar men múgedekterge arnalǵan ınternat úıi, №2 Qarttar men múgedekterge arnalǵan ınternat úıi, «Aqyl- esi kem balalarǵa arnalǵan ınternat úıi» «Speshıal Olımpıks», «Jambyl oblystyq múgedek balalardy ońaltý jáne beıimdeý ortalyǵy», «Jastar qoǵamy», «Soqyrlar qoǵamy», «Aqyl- oıy damýynda kemistigi bar balalarǵa arnalǵan arnaıy mektep-ınternatynyń tárbıelenýshileri, bas-aıaǵy 143-ke jýyq azamat qatysty.
Spartakıada jeńimpazdary men júldegerleri Taraz qalasy ákimdiginiń dene shyqtyrý jáne sport bóliminiń medaldarymen jáne «Taraz qalalyq múgedekter qoǵamy» qoǵamdyq birlestigi tarapynan estelik syılyqtarymen marapattaldy.
Bas demeýshi Kcell AQ birlestigi ár jeńimpaz ben júldeli oryn ıelengen azamattarǵa bir uıaly telefonnan syıǵa tartty.
Oralhan Dáýit.
Derek, sýret: egemen.kz.
