Ata Zań – eldiktiń berik irgesi

Eldigimizdiń eseli bolýynda osydan jıyrma jyl buryn qa­byldanyp, memleketimizdiń turaq­tylyq nyshanyna aınalǵan Qa­zaqstan Respýblıkasynyń Kons­­­­tıtýsııasynyń alar orny bıik. Búgingi Ata Zańymyzdyń qaınar bastaýy – tarıhtyń túkpirinen tar­tylǵan, ata-babalarymyzdyń ómir súrý daǵdysymen bite qaınas­qan tulǵalary asqar taýdaı áz Táýkeniń «Jeti Jarǵysy», Qa­sym hannyń «Qasqa jolynyń» laıyq­ty jalǵasy ekendigi daýsyz. Sebebi, adamzat damýynyń úshin­shi myń­jyl­dyǵynyń qarsańyn­da qabyl­­danǵan Ata Zańy­myz ege­men elimizdiń qoǵamdyq-saıası, áleý­mettik-ekonomıka­lyq ómi­rindegi asa zor tarıhı oqı­ǵanyń biri bolyp qana qoımaı, ol respýb­lıkamyzdaǵy óreli ózgeris­terdi: beıbit ómirge degen qushtar­lyǵymyzdy, qaýymdasýǵa degen qalaýymyzdy, memleketimizdiń quqyqtyq negizderin, onyń saıası júıesin, azamattarymyzdyń quqyqtary men mindetterin, men­shik nysandarynyń san alýan­dyǵyn dáıektep berdi. Elimizdiń basty Zańy – qoǵam­nyń qarqyndy qalaýy men álemdik júıeniń úzdiksiz ózgeris­terine tótep berýmen qatar, jasam­paz­dyqtyń kez kelgeniniń iske asýyna jol ashar mol múmkindikterdiń «altyn kópirine» aınaldy. Konstıtýsııamyzda ókimettiń zań shyǵarýshy, atqarýshy, sot býyndaryna bólinýi jáne onyń ókilettikteriniń naqty bel­gilenýi, naryqtyq ekonomıka qaǵıdalarynyń keń kórinis tabýy, qoǵam ómirin demokratııa­landyrý úderisteriniń ýaqyt ótken saıyn qarqyn alýy, bastan ótkergen qarjy daǵdarystaryna qaramastan, memleketimizdiń me­jeli bıikterden kórinýi – zaıyrly jáne quqyqtyq memleket qurý jolyna túsken respýblıkamyzdyń álemniń básekege barynsha qabi­let­ti 30 eliniń qatarynan oryn alýy­nyń basty belgileri dep bilemiz. Bıylǵy jylǵy aıtýly merekeler shoǵyryn qurap otyr­ǵan – Qazaq handyǵynyń 550 jyl­dyǵy, Uly Jeńistiń 70 jyl­dy­ǵy, Qazaqstan halqy Assam­b­leıa­­synyń 20 jyldyǵynyń ótpeli ekonomıkalyq synaqtarǵa qara­mastan, «Bárimiz birgemiz, berik irgemiz» uranyn ustanǵan keń-baıtaq elimizdiń 130-dan astam ulttary men ulystary tarapynan aýyzbirshilikte toılanyp jatýy da Negizgi Zańymyzdyń azamattarymyzdyń ortaq arman, tilekterin bir arnaǵa ushtas­tyrǵandyǵynyń jarqyn belgisi. Osynaý qýanyshty sátti paıdalana otyryp, «Egemen Qazaq­stan» gazeti oqyrmandaryn Kons­tıtýsııa kúnimen quttyqtap, shańy­raqtaryna shattyq pen bereke, yrys pen yntymaq tileımin. Baqytjan ÁBDIRAIYM, Ádilet mınıstriniń orynbasary, zań ǵylymdarynyń doktory, UǴA akademıgi.