Qazaqstan Respýblıkasy Prezıdentiniń Jarlyǵy

«Ǵylym jónindegi jyl saıynǵy ulttyq baıandamany daıyndaý qaǵıdalaryn bekitý týraly» Qazaqstan Respýblıkasy Prezıdentiniń 2012 jylǵy 21 tamyzdaǵy № 369 Jarlyǵyna ózgerister engizý týraly Qaýly etemin: 1. «Ǵylym jónindegi jyl saıynǵy ulttyq baıandamany daıyndaý qaǵıdalaryn bekitý týraly» Qazaqstan Respýblıkasy Prezıdentiniń 2012 jylǵy 21 tamyzdaǵy № 369 Jarlyǵyna (Qazaqstan Respýblıkasynyń PÚAJ-y, 2012 j., № 67, 952-qujat) mynadaı ózgerister engizilsin: joǵaryda atalǵan Jarlyqpen bekitilgen Ǵylym jónindegi jyl saıynǵy ulttyq baıandamany daıyndaý qaǵıdalarynda: 3 jáne 4-tarmaqtar mynadaı redaksııada jazylsyn: «3. Ulttyq baıandama qurylymyna qoıylatyn talaptar tizbesi: 1) kirispe – Ulttyq baıandamanyń maqsaty; 2) qazaqstandyq ǵylymnyń sońǵy 3 jyldaǵy ǵylymı-metrıkalyq taldaýy usynylǵan jalpy sıpattamasy, qazaqstandyq ǵylymnyń jetistikterin (ǵylymı jáne (nemese) ǵylymı-tehnıkalyq qyzmettiń neǵurlym mańyzdy nátıjeleri, engizilgen ázirlemeler) taldaý, ǵalymdardyń zertteý belsendiliginiń kórsetkishteri (jarııalanymdar sany, dáıeksózge alyný ındeksi, jýrnaldardyń ımpakt-faktory, patenttik belsendilik); 3) Qazaqstan Respýblıkasy Úkimetiniń janyndaǵy Joǵary ǵylymı-tehnıkalyq komıssııa aıqyndaǵan, ǵylymnyń baǵyttary boıynsha irgeli jáne qoldanbaly basym zertteýlerdi negizdeý jáne olardyń iske asyrylýyn taldaý; 4) ǵylymı uıymdardyń jáne joǵary oqý oryndarynyń, ǵylymmen aınalysatyn derbes bilim berý uıymdarynyń ǵylymı áleýetiniń, sapalyq quramynyń jaı-kúıin, otandyq ǵylymı kadr­lardy daıarlaý sapasyn, sheteldik ǵalymdardy tartýdy, ǵylymı zertteýlerdi júrgizý úshin ǵylymı zerthanalardyń qazirgi zamanǵy jabdyqtarmen jaraqtandyrylýyn taldaý; 5) memlekettik bıýdjet qarajatynan júzege asyrylatyn ǵylymı zertteýler men ázirlemelerdiń qarjylandyrylýyn, ǵylymǵa jekeshe sektordan qarjy qarajatynyń tartylýyn taldaý; 6) ǵylym damýyndaǵy álemdik úrdisterdi, sheteldik jáne halyqaralyq ǵylymı uıymdarmen ǵylymı tehnıkalyq kelisimderdi iske asyrý nátıjesinde alynǵan qazaqstandyq ǵylymnyń jańalyqtary men jetistikterin taldaý; 7) tehnologııalar men ǵylymı jáne (nemese) ǵylymı-tehnıkalyq qyzmet nátıjelerin kommersııalandyrý tetikteri arqyly ulttyq ınnovasııalyq júıeniń damýyn, ǵylymnyń, ónerkásip pen bıznes-qaýymdastyqtyń yqpaldasýyn taldaý, ǵylymnyń el ekonomıkasyn damytýǵa qosqan úlesi men ǵylymı jáne (nemese) ǵylymı-tehnıkalyq qyzmet nátıjeleriniń jalpy ishki ónimniń ósýine áserin baǵalaý; 8) salalyq ýákiletti organdardyń ǵylymdy jáne ǵylymı-tehnıkalyq qyzmetti basqarý jónindegi qyzmetin taldaý; 9) ulttyq ǵylymı júıeni odan ári damytý jónindegi qorytyndylar men usynystar; 10) ádebıet; 11) glossarıı. 4. Ǵylym salasyndaǵy ýákiletti organ Ulttyq baıandamany daıyndaý úshin memlekettik organdar men uıymdardan aqparat surata alady. Ulttyq baıandamany daıyndaý úshin ýákiletti organnyń suratýy boıynsha memlekettik organdar men uıymdar jyl saıyn 15 aqpannan keshiktirmeı aqparat usynady. Ulttyq baıandama úshin materıaldar daıyndaý kezinde ǵylym salasyndaǵy ýákiletti organ ǵylymı uıymdar, joǵary oqý oryndary men derbes bilim berý uıymdarynyń usynystary negizinde sarapshylyq top qurady. Álemdegi jáne Qazaqstandaǵy ǵylymnyń damý úrdisterin taldaý­dy jáne aıqyndaýdy qamtıtyn materıaldar Ulttyq baıan­da­manyń búkil kóleminiń keminde 2/3-sin (paraqpen) quraýǵa tıis. Qazaqstan Respýblıkasynyń Ulttyq ǵylym akademııasy Ulttyq baıandamany daıyndaýdy jáne basyp shyǵarýdy úılestiredi.». 2. Osy Jarlyq alǵashqy resmı jarııalanǵan kúninen bastap qoldanysqa engiziledi. Qazaqstan Respýblıkasynyń Prezıdenti N.NAZARBAEV. Astana, Aqorda, 2015 jylǵy 21 mamyr. № 27