Aralda 253 mln. teńgeni quraıtyn 28 joba júzege asýda

QYZYLORDA. 19 qazan. Syr óńirindegi kásipkerler palatasynyń Aral aýdandyq fılıaly janyndaǵy kásipkerlikti qoldaý ortalyqtary jumysynyń nátıjesinde aýdanda jalpy quny 253 mln. teńge bolatyn 28 joba júzege asyrylýda. Bul týraly egemen.kz tilshisi habarlady. Jalpy, Aral aýdany boıynsha 3 500-ge jýyq kásipker bar. Solardyń biri Saılash Jubanııazova. Aralǵa shet elden qonaqtar jıi keledi. Osy oraıda, qonaq úı bıznesimen aınalysqan Saılash bıylǵy jyldyń maýsym aıynda aýdandyq kásipkerler palatasynyń kómegimen óńirlik ınvestısııalyq ortalyqtan qarjylaı qoldaý alyp, qonaq úıin qaıta jańǵyrtýdan ótkizedi. 20 oryndyq qonaq úıde kelýshilerge barlyq jaǵdaı jasalǵan. Jaıly ári jyly bólmeler, kitaphana jáne ashana – barlyǵy talapqa saı. Jalpy, kásipkerlerdi, onyń ishinde aýyl turǵyndarynyń barlyq qarjylandyrý tetikterine qatysý belsendiligin arttyrý maqsatynda qurylǵan «Qyzylorda» óńirlik ınvestısııalyq ortalyǵy oblysta esepti kezeńde 249 mln. 64 myń tenge bolatyn 43 joba qarjylandyrylyp, jumys jasaýda. Erjan Baıtiles. Derek, sýret: egemen.kz.