«Astana Art Fest»

Onyń ıdeıasy – ot, sý, aýa Astana kúnin merekeleý sheńberinde Sýly-jasyl jelekte qazirgi zamanǵy óner men tehnologııanyń I «Astana Art Fest» festıvali ótýde. Festıval «Astana Expo-2017» kórmesiniń ıdeıasyn beı­neleıtin mynandaı úsh taqy­ryp­tan turady: «Ot energııasy», «Sý energııasy» jáne «Aýa energııasy». Bul balalardyń shyǵarmashylyq sheberlik synyptary, teatrlyq qoıylymdar jáne oqytý semınarlary ótetin alań bolyp esepteledi. Úsh kún ishinde shara qonaqtary ınno­vasııalyq ınstallıasııalar men Fransııa, Germanııa, Nı­derland, Italııa, Ispanııa, AQSh, Reseı jáne Qazaqstan sýretshileriniń jumystarymen tanysyp, tama­sha­laı alady. Atalmysh festıval aıasynda energetıka men IT-teh­nologııalar salasyn­da­ǵy ınno­vasııalyq jobalar usynyldy. – Joba 2014 jyly ázirlengen bolatyn, biz 3D tehnologııalar­men aınalysatyn kompanııa retinde quryldyq. Aldaǵy ýaqyt­ta 3D prınterlerdiń se­rııa­lyq shy­ǵarylýyn qolǵa almaq­pyz. Sondaı-aq, jaqynda ózimiz jasaǵan prınterlerdi shyǵa­ra­myz, model F-27 dep atalatyn bolady, – dedi «3D Lab» kom­pa­nııasynyń dırektory Rústem Súndetov. Festıval arhıtektýra, óner, dızaın jáne eń sońǵy úlgidegi tehnologııalardy biriktirdi. Art-festıval sándi WI-FI aǵash­­­­­tarmen, Qazaqstanda turatyn etnostardyń oıý-órnekterimen boıalǵan attarmen bezendirildi. Kóńildi konserttik baǵdarlama, ártisterdiń erekshe ónerleri 4-6 shilde aralyǵynda saǵat 11:00-den 23:00-ge deıin kórermen nazaryna usynylyp jatyr. «Egemen-aqparat». Sýretterdi túsirgender Erlan OMAROV, Orynbaı BALMURAT.