Aıymbetov ǵaryshqa kók baıraǵymyzdy alyp ushady

BAIQOŃYR. 1 qyrkúıek. Aıdyn Aıymbetov ǵaryshqa Qazaq handyǵynyń 550-jyldyǵyna, Qazaqstan halqy assambleıasynyń 20-jyldyǵyna arnalǵan týlar men elimizdiń kók baıraǵyn alyp ushady. Bul týraly egemen.kz tilshisi habarlady. «Bıyl Qazaq handyǵynyń qurylǵanyna 550 jyl tolady. Elimizdegi ultaralyq tatýlyq pen beıbitshilikti saqtaýda negizgi uıym bolyp sanalatyn Qazaqstan halqy Assambleıasyna 20 jyl, sondaı-aq Konstıtýsııanyń qabyldanǵanyna da 20 jyl tolyp otyr. Osy oraıda, men mereıli merekelerge baılanysty Qazaq handyǵynyń 550-jyldyǵy men Assambleıanyń 20-jyldyǵyna arnalǵan týlardy jáne elimizdiń kók baıraǵyn ǵaryshqa alyp ushpaqshymyn, – dedi ǵaryshker. Sonymen qatar, Aıdynnyń kenje qyzy Daıana ákesine ózi jaqsy kóretin oıynshyǵyn tartý etken. «О́zim óte qatty jaqsy kóretin oıynshyǵymdy ákeme syıladym. Ǵarysh saparyna aman-esen baryp kelýin tileımin. Bolashaqta men de ǵaryshker bolsam dep armandaımyn», – deıdi Daıana. Erjan Baıtiles. Derek: egemen.kz. Sýret: nur.kz.