Qostanaıda múgedekterge demeý jabdyqtar jetpeı jatyr

QOSTANAI. 1 qyrkúıek. Qostanaı oblysynda múgedekterge arnalǵan demeý jabdyqtaryn satyp alýǵa qarjy jetispeıdi. Soǵan baılanysty múgedekter protezderdi, arbalardy, kýrorttyq-sanatorlyq joldamalardy jyldap kútedi. Bul týraly egemen.kz tilshisi habarlady. Qostanaı oblystyq eńbek, áleýmettik qorǵaý jáne kóshi-qoń jónindegi departament dırektory Murat Muratbekov: «Oblysta protezdik-ortopedııalyq jabdyqtar 541 adamǵa kerek, sonyń 215 ǵana qamtamasyz etildi, bul barlyǵynyń tek 40 paıyzy ǵana bolyp tabylady», dedi. Demek oblysta 375 múgedek qajetti jabdyqtarmpen qamtamasyz etilmegen. Oblys óńirindegi naýqas adamdarǵa jyl saıyn sanatorlyq-kýrorttyq em qabyldaý kerek, olarǵa 747 adam zárý bolsa, sonyń 342 ǵana em alyp úlgerdi. Qalǵan 405-i áli kezek kútip otyr. Sýrdojabdyqtarmen múgedekterdiń 25 paıyzy, tıfloquraldarmen 64 paıyzy qamtamasyz etilgen. Al múgedek arbasyn 99 adamnyń tek 29 ǵana alǵan. Muratbekovtyń aıtýynsha, tekserý kórsetkendeı, múgedekge arnalǵan demeý jabdyq-quraldaryn, ıaǵnı baldaq, ortopedııalyq aıaqkıimderdi, arbalardy zárý jandar jyldar jyldap kúútedi.   Mundaı faktiler obylstyń ár qalasynda, aýdanynda kezdesedi. Munyń barlyǵyna, ıaǵnı múgedekterdi demeıtin áleýmettik baǵdarlamalardyń ýaqytysynda oryndalmaýyna onyń jetkilikti qarjylandyrylmaýy basty sebep bolyp otyr. Názıra Járimbetova. Derek, sýret: egemen.kz