Belgili jazýshy Dıdahmet Áshimhan qaıtys boldy

ASTANA. 23 mamyr. Búgin belgili jazýshy, qalamger, Qazaqstan Respýblıkasynyń eńbek sińirgen qaıratkeri Dıdahmet Áshimhan 65 jasqa qaraǵan shaǵynda qaıtys boldy. Bul týraly egemen.kz habarlady. Jazýshymen qoshtasý rásimi erteń saǵat 09:30-da Almaty qalasyndaǵy Jazýshylar odaǵynyń ǵımaratynda ótedi. Dúısenbi kúni týǵan jeri Shyǵys Qazaqstan oblysy, Qatonqaraǵaı aýdanyna jerlenedi. Dıdahmet Áshimhan 1950 jyly 10 maýsymda Shyǵys Qazaqstan oblysy, Qatonqaraǵaı aýdany, Jańaúlgi aýylynda týǵan. 1978 jyly Qazaq memlekettik ýnıversıtetiniń jýrnalıstıka fakýltetin bitirgen. Eńbek jolyn týǵan óńirindegi «Kommýnızm týy» gazetinde bastaǵan qalamger «Lenınshil jas», «Qazaq pıoneri», «Qazaq ádebıeti», «Zaman – Qazaqstan» jáne «Túrkistan» syndy gazetterde qyzmet atqardy. «Aqqabanyń tolqyny», «On birinshi kúz», «Kamennaıa pad», «Jer ańsaǵaı sary atan», «Samyrsyn sazy» jáne «Áńgime emes áńgimeler» atty birneshe áńgimeler men povester jınaǵynyń avtory. Shyǵarmalary ózbek, qyrǵyz, qytaı, mońǵol, orys, ýkraın jáne marı tilderine aýdarylǵan. Sondaı-aq, jazýshynyń ózi de ózge ulttyń belgili qalamgerleriniń eńbekterin qazaq tiline aýdardy. Elaman Qońyr. Derek: egemen.kz. Sýret: facebook.com.