Velosport. «Týr de Frans» kópkúndiginiń eki kezeńi artta qaldy

ASTANA. 6 shilde. Fransııada velosporttan ataqty «Týr de Frans» kópkúndigi ótýde. Búginge deıin jarystyń eki kezeńi aıaqtaldy. Sonyń qorytyndysy boıynsha ázirge Trek velokomandasynyń ókili, shveısarııalyq Fabıan Kanchellara kósh bastap keledi. Bul týraly egemen.kz habarlady. Alǵashqy kezeńde sportshylar jekeleı jarysta baq synady. Bul saıysta Avstralııa sportshysy Roan Dennıs top jardy. Ol 13,8 shaqyrymǵa sozylǵan sóre men máre arasyn 14 mınýt 56 sekýndta júrip ótti. Al ekinshi kezeńde qatysýshylar 166 shaqyrymǵa sozylǵan Ýtreht pen Nelte Iаns qalalary arasyn júrip ótti. Bul joly Lotto velokomandasynyń ókili, nemis sportshysy Andre Graıpeldiń mereıi ústem boldy. Onyń kórsetken nátıjesi 3 saǵat 29 mınýt 03 sekýndty qurady. Slovakııa senim artqan Peter Sagan (Tinkoff-Saxo) máre syzyǵyn ekinshi bolyp qısa, F.Kanchellara úzdik úshtikti túıindedi. Búgin velosportshylar úshinshi kezeń úshin jarys jolyna shyǵady. Antverpen men Mıýr-de-Iýı arasyn jalǵaıtyn bul kezeń 159,5 shaqyrymnan turady. Atalǵan dodaǵa Qazaqstannyń Astana pro team kásibı velokomandasy da qatysýda. Ázirge komandamyzdyń sapynan úzdik kórsetkish kapıtan Vınchenso Nıbalıge tıesili. Jalpy esepte 33-orynda turǵan ol kósh basyndaǵy Kanchellaradan 2 mınýt 9 sekýndqa qalyp keledi. Otandyq komandanyń quramynda Nıbalıden bólek, Lars Bým, Lıýve Vestra (ekeýi de – Nıderlandy), Iаkob Fýlsang (Danııa), Andreı Grıvko (Ýkraına), Tanel Kangert, Reın Taaramıae (ekeýi de – Estonııa), Mıkele Skarponı (Italııa) jáne Dmıtrıı Grýzdev (Qazaqstan) bar. Elaman Qońyr. Derek: egemen.kz. Sýret: letour.fr.