Memleket basshysynyń kezekten tys prezıdenttik saılaýǵa qatysýǵa kelisim berýin aldymen quptap, óz úndeýlerin asyǵa jetkizgen Mańǵystaý munaıshylarynyń qara shańyraǵy – «Mańǵystaýmunaıgaz» AQ boldy.
Munaıshylardyń keń zalyna jıylǵan eńbek ujymy aldynda «Nur Otan» partııasy Mańǵystaý oblystyq fılıaly tóraǵasynyń birinshi orynbasary M.Júnbasov sóz sóıledi. Keshe ǵana Astana qalasynda ótken atalmysh partııanyń kezekti XVI sezinen oralǵan ol jıylǵandardy sezd barysynan habardar etti. Elbasynyń ótkendi saraptap, erteńge baǵamdaǵan mindet-tapsyrmalaryn, ásirese, barshaǵa birdeı osy zamanǵy memlekettiń qajetti bes halyqtyq reformasy týraly tanystyrdy.
Elbasy baıandamasyna toqtala kele, M.Júnbasov sezde N.Nazarbaevqa bıyl sáýir aıynda ótetin prezıdenttik saılaýǵa túsýge usynys jasalǵandyǵyn, halyqtyń tańdaýy men yqylasyna oraı Elbasynyń usynysty qabyl alǵandyǵyn málimdegenin aıta kele, álemdi eleńdetken almaǵaıyp kezeńde el tizginin senimdi qolǵa berip, buǵan deıin bastaý alǵan jospar-jobalardy óz deńgeıine jetkize oryndaý úshin halyqtyń tańdaýynyń mańyzy zor ekendigin alǵa tartty.
«Mańǵystaýmunaıgaz» AQ áleýmettik bóliminiń mamany Q.Imanqulova qara altyndy óndirýshi eńbek maıdanynyń qurysh bilek ókilderi – munaıshylardyń saılaýǵa Elbasy N.Nazarbaevtyń kandıdatýrasynyń usynylýyn qýana qoldaıtynyn jetkizdi.
– Bizdiń ujym Qazaqstan Respýblıkasy Prezıdentiniń kezekten tys saılaýyna Nursultan Ábishulynyń qatysatyndyǵy týraly habardy qýanyshpen qarsy aldy. Mańǵystaý munaıshylary qashanda Elbasynyń senimdi serikteri men tiregi bolǵan, bola da bermek. Munaıshylar Elbasynyń halyqtyń ál-aýqatyn kóterýge jáne Qazaqstannyń álem aldyndaǵy bedelin nyǵaıtýǵa baǵyttalǵan sheshimderi men josparlaryn biraýyzdan qoldap, eldiń qoǵamdyq jáne saıası ómirine belsendi aralasyp keledi. Jańa jumys oryndaryn ashyp, ekonomıkamyzdyń odan ári damýy men gúldenýiniń negizi bola alatyn «Nurly Jol» baǵdarlamasynyń da sátti júzege asýyna Elbasynyń basshylyǵymen qol jetkize alamyz, degen Q.Imanqulova munaıshylardyń N.Nazarbaevtyń kandıdatýrasyn qoldaıtyndyqtary jazylǵan úndeý mátinimen tanystyrdy. Daýysqa salynǵan úndeý biraýyzdan qabyldandy.
«Táýelsizdigimizdiń alǵashqy kúninen-aq Elbasymyz elimizdiń munaı ónerkásibine álemniń aldyńǵy qatarly ınvestorlary men úzdik tehnologııalaryn otandyq óndiriske ákelýge kúsh saldy. Ulttyq qordaǵy mıllıardtaǵan qarajat – Nursultan Ábishulynyń kóregendigi men utymdy saıasatynyń jemisi. «Mańǵystaýmunaıgaz» AQ ujymy «Nur Otan» partııasynyń XVI sezinde prezıdenttikke kandıdat bolyp usynylǵan Nursultan Ábishuly Nazarbaevtyń kandıdatýrasyn biraýyzdan qoldaıdy. Oblystyń saılaýshylaryn 2015 jyldyń 26 sáýiri kúni Qazaqstan Respýblıkasy Prezıdentiniń saılaýyna bir kisideı qatysýǵa shaqyrady» delingen úndeýde.
Gúlaıym ShYNTEMIRQYZY,
«Egemen Qazaqstan».
Mańǵystaý oblysy.
Sýretti túsirgen
Serik MAIEMEROV.
Munaıshylardyń keń zalyna jıylǵan eńbek ujymy aldynda «Nur Otan» partııasy Mańǵystaý oblystyq fılıaly tóraǵasynyń birinshi orynbasary M.Júnbasov sóz sóıledi. Keshe ǵana Astana qalasynda ótken atalmysh partııanyń kezekti XVI sezinen oralǵan ol jıylǵandardy sezd barysynan habardar etti. Elbasynyń ótkendi saraptap, erteńge baǵamdaǵan mindet-tapsyrmalaryn, ásirese, barshaǵa birdeı osy zamanǵy memlekettiń qajetti bes halyqtyq reformasy týraly tanystyrdy.
Elbasy baıandamasyna toqtala kele, M.Júnbasov sezde N.Nazarbaevqa bıyl sáýir aıynda ótetin prezıdenttik saılaýǵa túsýge usynys jasalǵandyǵyn, halyqtyń tańdaýy men yqylasyna oraı Elbasynyń usynysty qabyl alǵandyǵyn málimdegenin aıta kele, álemdi eleńdetken almaǵaıyp kezeńde el tizginin senimdi qolǵa berip, buǵan deıin bastaý alǵan jospar-jobalardy óz deńgeıine jetkize oryndaý úshin halyqtyń tańdaýynyń mańyzy zor ekendigin alǵa tartty.
«Mańǵystaýmunaıgaz» AQ áleýmettik bóliminiń mamany Q.Imanqulova qara altyndy óndirýshi eńbek maıdanynyń qurysh bilek ókilderi – munaıshylardyń saılaýǵa Elbasy N.Nazarbaevtyń kandıdatýrasynyń usynylýyn qýana qoldaıtynyn jetkizdi.
– Bizdiń ujym Qazaqstan Respýblıkasy Prezıdentiniń kezekten tys saılaýyna Nursultan Ábishulynyń qatysatyndyǵy týraly habardy qýanyshpen qarsy aldy. Mańǵystaý munaıshylary qashanda Elbasynyń senimdi serikteri men tiregi bolǵan, bola da bermek. Munaıshylar Elbasynyń halyqtyń ál-aýqatyn kóterýge jáne Qazaqstannyń álem aldyndaǵy bedelin nyǵaıtýǵa baǵyttalǵan sheshimderi men josparlaryn biraýyzdan qoldap, eldiń qoǵamdyq jáne saıası ómirine belsendi aralasyp keledi. Jańa jumys oryndaryn ashyp, ekonomıkamyzdyń odan ári damýy men gúldenýiniń negizi bola alatyn «Nurly Jol» baǵdarlamasynyń da sátti júzege asýyna Elbasynyń basshylyǵymen qol jetkize alamyz, degen Q.Imanqulova munaıshylardyń N.Nazarbaevtyń kandıdatýrasyn qoldaıtyndyqtary jazylǵan úndeý mátinimen tanystyrdy. Daýysqa salynǵan úndeý biraýyzdan qabyldandy.
«Táýelsizdigimizdiń alǵashqy kúninen-aq Elbasymyz elimizdiń munaı ónerkásibine álemniń aldyńǵy qatarly ınvestorlary men úzdik tehnologııalaryn otandyq óndiriske ákelýge kúsh saldy. Ulttyq qordaǵy mıllıardtaǵan qarajat – Nursultan Ábishulynyń kóregendigi men utymdy saıasatynyń jemisi. «Mańǵystaýmunaıgaz» AQ ujymy «Nur Otan» partııasynyń XVI sezinde prezıdenttikke kandıdat bolyp usynylǵan Nursultan Ábishuly Nazarbaevtyń kandıdatýrasyn biraýyzdan qoldaıdy. Oblystyń saılaýshylaryn 2015 jyldyń 26 sáýiri kúni Qazaqstan Respýblıkasy Prezıdentiniń saılaýyna bir kisideı qatysýǵa shaqyrady» delingen úndeýde.
Gúlaıym ShYNTEMIRQYZY,
«Egemen Qazaqstan».
Mańǵystaý oblysy.
Sýretti túsirgen
Serik MAIEMEROV.
