Bul – salıqaly saıasat jemisi

Keshe «Qazaqstan jastary Kon­gresi» zańdy tulǵalar birlestiginiń ókilderi 26 sáýirde ótetin Qazaqstan Prezıdentin kezekten tys saılaýǵa baılanysty óz oı-paıymdarymen bólisip, málimdeme jasady. Málim­demeni birlestiktiń atqarýshy dırektory Aıdyn Sábıtov oqyp berdi. Onda bylaı delinipti: «Biz, «Qazaqstan jastary Kongresiniń» músheleri, eldegi jastardyń eń iri birlestiginiń ókilderi Qazaqstan Respýblıkasynyń Prezıdenti, Elbasy Nursultan Ábishuly Nazarbaevtyń kandıdatýrasynyń usynylýyn biraýyzdan qoldaımyz. Táýelsizdikke qol jetkennen bergi jyldary elimizdiń ekonomıkasy órkendep, halyqtyń ál-aýqaty jaqsaryp, mádenıetimiz jandanyp, Qazaqstan álem aldynda bedeldi elge aınaldy. Elimizdiń osy kúnge deıingi qol jetkizgen jetistikteri men halyqaralyq arenadaǵy bedeli Elbasymyzdyń salıqaly saıasatynyń jemisi dep bilemiz». Sondaı-aq, A.Sábıtov «Mem­leket bizdiń sanamyzda erteńgi kúnge degen senimdilikti oıatady. Máselen, Elbasy basta­ma­symen qolǵa alynǵan «2050-Stra­tegııasy» men «Nurly Jol» Jańa Ekonomıkalyq Saıasaty Qazaq­stannyń jaqyn 5 jyldyń ishinde ǵalamdyq geosaıası jáne ekonomıkalyq qıyndyqtardy eńserýine jol ashatyn bolady. Ol úshin bizdiń elimizde barlyq jaǵdaı qarastyrylǵan. Iаǵnı, Qazaqstan jastarynyń joǵary bilim alyp, jaqsy jumysqa ornalasýlaryna, álemniń jetekshi oqý oryndarynda dáris alyp, ózderiniń kásibı biliktilikterin arttyrýlaryna da múmkindikter beril­gen», – dedi. Osylaı deı ke­le, ol bul oıdy barsha qazaq jas­ta­rynyń qoldaıtynyna senim bildirdi. Láıla EDILQYZY, «Egemen Qazaqstan». ASTANA.