Elbasy kitaby búldirshinderge berildi
Keshe Bilim kúni merekesine oraı Bilim jáne ǵylym mınıstri Aslan Sárinjipov Astanadaǵy jańadan paıdalanýǵa berilip otyrǵan daryndy balalarǵa arnalǵan № 81 jańa gımnazııa «Astana English School»-da bolyp, jınalǵan ustazdar men ata-analardy jańa oqý jylymen quttyqtap, alǵash mektep tabaldyryǵyn attap otyrǵan búldirshinderge sát-sapar tiledi.
Bıylǵy oqý jylynda elimiz boıynsha 7,5 myń mektep 2 mln. 600 myńnan astam oqýshyny qabyldasa, olardyń 336 myńy mektep tabaldyryǵyn alǵash attaıtyn 1-synyptyń balalary. Iаǵnı, jyl saıyn birinshi synypqa baratyn balalar sany artyp kele jatqandyqtan úsh aýysymdaǵy jáne apatty mektepter problemasyn sheshý kezek kúttirmeıtin másele bolyp qalýda. Osyǵan oraı, bıyl 157 mektep paıdalanýǵa berilip, úsh aýysymda oqytatyn mektepter azaıyp keledi eken. Sonymen qatar, apatty mektepter sany eki esege azaıyp, 136-dan 66 qalypty. 2017 jyldyń sońyna qaraı osy problemany tolyqtaı sheshý josparlanyp otyr. Munymen qosa, 8700 mektepke deıingi uıymǵa 760 myń bala baryp, jyl sońyna deıin 10 myń oryndyq 40 balabaqsha iske qosylmaq. Kúrdeli jóndeý sharalary 250 mektepti qamtypty. Al aǵymdaǵy jóndeý jumystary 5 myńnan astam mektepte júrgizilipti. Oqýlyqtarǵa bıyl 12,5 mlrd. teńge bólinipti. Búginde barlyq óńirler oqýlyqtarmen tolyqtaı qamtamasyz etilgen kórinedi. Ult josparyndaǵy 76-shy qadam aıasynda materıaldyq-tehnıkalyq bazany jańartýǵa jáne muǵalimderdi yntalandyrýǵa basa nazar aýdarylyp, 96 mektepke granttardy taǵaıyndaý júıesin jetildirý qarastyrylǵan.
Qazaqstannyń barlyq mektepterinde 2015 jylǵy 1 qyrkúıekte Qazaqstan Respýblıkasy Konstıtýsııasynyń 20 jyldyǵyna, Qazaq handyǵynyń 550 jyldyǵyna arnalǵan biryńǵaı bilim sabaǵy, 1-4-shi synyptarda «Meniń Otanym – Qazaqstan», 5-8-shi synyptarda «Qazaq halqynyń erlikteri», 9-11-shi synyptarda «Máńgilik el: bir el – bir taǵdyr» atty taqyryptarda arnaıy sabaqtar ótkizilgenin aıta ketsek deımiz.
Daryndy balalarǵa arnalǵan № 81 jańa gımnazııadaǵy alǵashqy sóz:
«Mektep degen – máńgiliktiń jyr keni,
Mektep degen – ǵylymnyń asqaq jelkeni,
Mektep degen – tuǵyry bıik aq orda,
Balalardyń qasıetti mekeni» – dep bastalyp, mınıstrdiń quttyqtaý sózinen keıin gımnazııa dırektory Gúlnar Sadyqova mektep jóninde maǵlumat bere otyryp, búldirshinderge qutty qadam tiledi. «Astana English School» № 81 gımnazııasy 1200 orynǵa eseptelgen, mekteptiń jalpy aýdany 11766 sharshy metrdi qurap, onda barlyǵy 54 bólme, onyń 2 mýltımedııalyq, akt zaly, kitaphana, aǵash, metall jáne matany óńdeý sheberhanalary ornalasypty. Shara barysynda mınıstr Aslan Sárinjipov pen Astana qalasy ákiminiń orynbasary Ermek Amanshaev alǵashqy qońyraý merekesine arnalǵan Elbasymyzdyń «Meniń Otanym – Qazaqstan» atty kitabyn 1-synyp búldirshinderine tabys etti. Kitap týraly Astana qalalyq bilim basqarmasynyń basshysy Elmıra Sýhanberdıeva: «Bıyl Qazaqstan boıynsha 1-synyp oqýshylary Prezıdenttiń ózinen úlken syı aldy. «Meniń Otanym – Qazaqstan» kitaby – bul Memleket basshysynyń búldirshinderge jasaǵan tamasha syıy. Elbasy N.Nazarbaev kitapqa týǵan jerimizdiń tamasha tabıǵatyn, Otandy súıýge degen perzenttik paryz týraly eń tańdamaly oılaryn jazǵan. «Meniń Otanym – Qazaqstan» kitaby qosymsha ádebıet. Árıne, Qazaqstannyń búkil qazba baılyǵy men tarıhyn bir kitapqa syıdyrý múmkin emes. Sondyqtan, Elbasy ózi tańdap kitapqa týǵan jerimizdiń tamasha tabıǵatyn, Otanǵa degen perzenttik paryz týraly eń tańdamaly oılaryn jazǵan. Endi bul kitap jyl saıyn taratylyp otyrady. Aıta keteıik, búgin Astana qalasy boıynsha qatarynan úsh jańa mektep ashyldy. Al, jyl sońyna deıin elorda oqýshylary úshin taǵy eki mektep ashylmaq. Bir mektep taza qazaq tilinde sabaq beredi, ekinshi mektep aralas mektep jáne búgin ashylǵan mektep – qazaq tili men aǵylshyn tilinen qatar sabaq beredi. Qala basshylyǵy kóshi-qon legi men bala týý kórsetkishin esepke ala otyryp, shahardyń qaı aýdanynda qansha mektep salý kerektigin josparlap otyrady», – dedi.
Mınıstr óz sózinde ustazdar qaýymyna aldaǵy ýaqyttarda jalaqylarynyń 50 paıyzǵa deıin ósetinin aıtyp súıinshi surady.
Sodan soń arnaıy shaqyrylǵan qonaqtar jańa gımnazııa ǵımaratymen tanysyp, 5-synyp oqýshylarynyń aǵylshyn tilinde ótken ınteraktıvti sabaǵyna, 7-synypqa arnalǵan aǵylshyn tilinde ótken «Qazaqstan joly: 5 reforma jáne 100 qadam» taqyrybyndaǵy synyp saǵatyna, 6-synypqa arnalǵan bıologııa sabaǵyna jáne «EKSPO-2017 – bolashaqqa senimdi qadam» taqyrybyndaǵy aǵylshyn tili sabaǵyna qatysty.
Sondaı-aq, keshe «100 mektep – 100 aýrýhana» memlekettik baǵdarlamasy aıasynda 2007 jyly paıdalanýǵa berilgen Astanadaǵy № 58 orta mekteptiń de alǵashqy qońyraýynda bolyp, Elbasynyń «Meniń Otanym – Qazaqstan» atty kitabyn 1-synyp búldirshinderine tabys etý sharasynyń kýási boldyq.
Berik SADYR,
«Egemen Qazaqstan».
Sýretti túsirgen
Orynbaı BALMURAT.
Bıylǵy oqý jylynda elimiz boıynsha 7,5 myń mektep 2 mln. 600 myńnan astam oqýshyny qabyldasa, olardyń 336 myńy mektep tabaldyryǵyn alǵash attaıtyn 1-synyptyń balalary. Iаǵnı, jyl saıyn birinshi synypqa baratyn balalar sany artyp kele jatqandyqtan úsh aýysymdaǵy jáne apatty mektepter problemasyn sheshý kezek kúttirmeıtin másele bolyp qalýda. Osyǵan oraı, bıyl 157 mektep paıdalanýǵa berilip, úsh aýysymda oqytatyn mektepter azaıyp keledi eken. Sonymen qatar, apatty mektepter sany eki esege azaıyp, 136-dan 66 qalypty. 2017 jyldyń sońyna qaraı osy problemany tolyqtaı sheshý josparlanyp otyr. Munymen qosa, 8700 mektepke deıingi uıymǵa 760 myń bala baryp, jyl sońyna deıin 10 myń oryndyq 40 balabaqsha iske qosylmaq. Kúrdeli jóndeý sharalary 250 mektepti qamtypty. Al aǵymdaǵy jóndeý jumystary 5 myńnan astam mektepte júrgizilipti. Oqýlyqtarǵa bıyl 12,5 mlrd. teńge bólinipti. Búginde barlyq óńirler oqýlyqtarmen tolyqtaı qamtamasyz etilgen kórinedi. Ult josparyndaǵy 76-shy qadam aıasynda materıaldyq-tehnıkalyq bazany jańartýǵa jáne muǵalimderdi yntalandyrýǵa basa nazar aýdarylyp, 96 mektepke granttardy taǵaıyndaý júıesin jetildirý qarastyrylǵan.
Qazaqstannyń barlyq mektepterinde 2015 jylǵy 1 qyrkúıekte Qazaqstan Respýblıkasy Konstıtýsııasynyń 20 jyldyǵyna, Qazaq handyǵynyń 550 jyldyǵyna arnalǵan biryńǵaı bilim sabaǵy, 1-4-shi synyptarda «Meniń Otanym – Qazaqstan», 5-8-shi synyptarda «Qazaq halqynyń erlikteri», 9-11-shi synyptarda «Máńgilik el: bir el – bir taǵdyr» atty taqyryptarda arnaıy sabaqtar ótkizilgenin aıta ketsek deımiz.
Daryndy balalarǵa arnalǵan № 81 jańa gımnazııadaǵy alǵashqy sóz:
«Mektep degen – máńgiliktiń jyr keni,
Mektep degen – ǵylymnyń asqaq jelkeni,
Mektep degen – tuǵyry bıik aq orda,
Balalardyń qasıetti mekeni» – dep bastalyp, mınıstrdiń quttyqtaý sózinen keıin gımnazııa dırektory Gúlnar Sadyqova mektep jóninde maǵlumat bere otyryp, búldirshinderge qutty qadam tiledi. «Astana English School» № 81 gımnazııasy 1200 orynǵa eseptelgen, mekteptiń jalpy aýdany 11766 sharshy metrdi qurap, onda barlyǵy 54 bólme, onyń 2 mýltımedııalyq, akt zaly, kitaphana, aǵash, metall jáne matany óńdeý sheberhanalary ornalasypty. Shara barysynda mınıstr Aslan Sárinjipov pen Astana qalasy ákiminiń orynbasary Ermek Amanshaev alǵashqy qońyraý merekesine arnalǵan Elbasymyzdyń «Meniń Otanym – Qazaqstan» atty kitabyn 1-synyp búldirshinderine tabys etti. Kitap týraly Astana qalalyq bilim basqarmasynyń basshysy Elmıra Sýhanberdıeva: «Bıyl Qazaqstan boıynsha 1-synyp oqýshylary Prezıdenttiń ózinen úlken syı aldy. «Meniń Otanym – Qazaqstan» kitaby – bul Memleket basshysynyń búldirshinderge jasaǵan tamasha syıy. Elbasy N.Nazarbaev kitapqa týǵan jerimizdiń tamasha tabıǵatyn, Otandy súıýge degen perzenttik paryz týraly eń tańdamaly oılaryn jazǵan. «Meniń Otanym – Qazaqstan» kitaby qosymsha ádebıet. Árıne, Qazaqstannyń búkil qazba baılyǵy men tarıhyn bir kitapqa syıdyrý múmkin emes. Sondyqtan, Elbasy ózi tańdap kitapqa týǵan jerimizdiń tamasha tabıǵatyn, Otanǵa degen perzenttik paryz týraly eń tańdamaly oılaryn jazǵan. Endi bul kitap jyl saıyn taratylyp otyrady. Aıta keteıik, búgin Astana qalasy boıynsha qatarynan úsh jańa mektep ashyldy. Al, jyl sońyna deıin elorda oqýshylary úshin taǵy eki mektep ashylmaq. Bir mektep taza qazaq tilinde sabaq beredi, ekinshi mektep aralas mektep jáne búgin ashylǵan mektep – qazaq tili men aǵylshyn tilinen qatar sabaq beredi. Qala basshylyǵy kóshi-qon legi men bala týý kórsetkishin esepke ala otyryp, shahardyń qaı aýdanynda qansha mektep salý kerektigin josparlap otyrady», – dedi.
Mınıstr óz sózinde ustazdar qaýymyna aldaǵy ýaqyttarda jalaqylarynyń 50 paıyzǵa deıin ósetinin aıtyp súıinshi surady.
Sodan soń arnaıy shaqyrylǵan qonaqtar jańa gımnazııa ǵımaratymen tanysyp, 5-synyp oqýshylarynyń aǵylshyn tilinde ótken ınteraktıvti sabaǵyna, 7-synypqa arnalǵan aǵylshyn tilinde ótken «Qazaqstan joly: 5 reforma jáne 100 qadam» taqyrybyndaǵy synyp saǵatyna, 6-synypqa arnalǵan bıologııa sabaǵyna jáne «EKSPO-2017 – bolashaqqa senimdi qadam» taqyrybyndaǵy aǵylshyn tili sabaǵyna qatysty.
Sondaı-aq, keshe «100 mektep – 100 aýrýhana» memlekettik baǵdarlamasy aıasynda 2007 jyly paıdalanýǵa berilgen Astanadaǵy № 58 orta mekteptiń de alǵashqy qońyraýynda bolyp, Elbasynyń «Meniń Otanym – Qazaqstan» atty kitabyn 1-synyp búldirshinderine tabys etý sharasynyń kýási boldyq.
Berik SADYR,
«Egemen Qazaqstan».
Sýretti túsirgen
Orynbaı BALMURAT.
