Basty baǵyt – balalardy qorǵaý

Keshe Aqordada elimizdiń Memlekettik hatshysy, Prezıdent janyndaǵy Áıelder isteri jáne otbasylyq-demografııalyq saıasat jónindegi ulttyq komıssııanyń tóraıymy Gúlshara Ábdiqalyqova BUU Balalar qorynyń (IýNISEF) Qazaqstandaǵy ókili Iýrıı Oksamıtnyımen kezdesti. Memlekettik hatshy Iý.Ok­samı­t­nyıdy laýazymǵa taǵaıyn­dalýymen quttyqtap, Qazaqstan men IýNISEF arasyndaǵy tabys­ty yntymaqtastyqtyń jalǵa­satynyna senim bildirdi. Son­daı-aq, G. Ábdiqalyqova álemdegi jáne elimiz­degi balalardyń jaǵdaıyn jaqsar­týdaǵy IýNISEF-tiń mańyz­dy rólin, BUU-nyń damý maq­satyndaǵy kómek kórsetý jónindegi Negizdemelik baǵdarlamasyn oryn­daý boıynsha elimizdegi memle­kettik organdardyń belsendi ju­mysyn atap ótti. BAQ ókilderine bergen suh­batynda Bilim jáne ǵylym vıse-mınıstri Esenǵazy Imanǵalıev atalǵan mınıstrlik BUU-nyń Balalar qorymen 1992 jyly shartqa qol qoıǵandyǵyn aıta kele, osy sharttyń aıasynda kóptegen aýqymdy jumystar atqarylyp jatqandyǵyn habarlady. 2012-2014 jyldarǵa arnalǵan eki jyldyq baǵdarlama bar bolatyn, sonyń barysynda tek qana Bilim jáne ǵylym mınıstrligi emes, sonymen qatar, Densaýlyq saqtaý jáne áleýmettik damý mınıstrligi, Ádilet mınıstrligi jáne Ishki ister mınıstrligi belsendilik tanytty. Sonymen qatar, BUU Balalar qorynyń Qazaqstandaǵy ókili Iý.Oksamıtnyı sońǵy jıyrma jyl ishinde Qazaqstan ózge de el­dermen seriktes bolyp kele jat­qandyǵyn aıta kelip, birigip jasaǵan jumystar nátıjesinde jańa týǵan náresteler men balalar óliminiń azaıýyna qol jet­ki­zilgenine jáne densaýlyq saq­taý men bilim berý salasynda jetis­tikter bar ekenine toqtaldy. Bas­ty baǵyttardyń biri de balalar quqyǵyn qorǵaý týrasyndaǵy birlesken sharalardyń arqasynda júzege asyrylyp jatqandyǵyn basty nazarda ustaǵan ol, qazirgi tańda seriktestik barysynda kezekti bes jyldyq baǵdarlama jasalyp jatqandyǵyn atady. Qazirgi tańda IýNISEF-pen ózara baılanys arqyly jáne 2010-2015 jyldarǵa arnalǵan Eldik baǵdarlamanyń barysynda otbasy men qoǵamnyń áleýetin nyǵaıtý, áleýmettik jáne basqarý saıasatyn ázirleý, áleýmettik qorǵaý júıesin jetildirý boıynsha is-sharalar tabysty júzege asyrylýda. Baǵdarlama basymdyqtarynyń biri Ońtústik Qazaqstan jáne Shy­ǵys Qazaqstan oblystarynyń, bu­ǵan qosa, Semeı synaq alańy men Aral aımaǵyndaǵy balalardyń jaǵ­daıyn jaqsartý bolyp tabylady. Kezdesýge qatysýshylar balalardy qorǵaýdyń ózekti máse­lelerin, bilim berý, densaýlyq saq­taý jáne áleýmettik damý sala­lar­yndaǵy yntymaqtastyqtyń keleshegin talqylady. Bul oraıda ánshi, qazirgi ýaqytta Ulttyq komıssııanyń jańadan qosylǵan múshesi bolyp otyrǵan Qaraqat Ábildına qoǵamdaǵy áıelderdiń orny men róli týrasyndaǵy oıymen bólisti. Elbasynyń «Otbasy – basty qundylyǵymyz» degen sózin mysalǵa keltirdi. Elmıra MÁTIBAEVA, «Egemen Qazaqstan».