Boks. «Astana arlandary» WSB jobasynyń fınalyna shyqty

ASTANA. 24 mamyr. Dál qazir Astanadaǵy «Dáýlet» ulttyq tennıs ortalyǵynda Búkilálemdik boks serııasynyń (WSB) jartylaı fınaly ótýde. Sonyń aıasynda «Astana arlandary» Reseı boksshylaryn qabyldaýda. Bul týraly egemen.kz habarlady. Keshe ótken birinshi jarys kúninde boksshylarymyz qarsylastaryn 5:0 esebimen jeńgeni belgili. Al búgingi kezdesýdiń alǵashqy jekpe-jeginde 52 kg.-da baq synaǵan Oljas Sáttibaev komandamyzǵa 6-shy upaıdy alyp keldi. Ol qarsylasy Karen Arýtıýnıannan 3:0 (49:46, 48:47, 49:46) esebimen basym tústi. Nátıjesinde «arlandar» jalpy esepti 6:0-ge jetkizip, merziminen buryn fınalǵa joldama aldy. Sheshýshi synda Marat Jákıev jattyqtyratyn boksshylarymyz Kýbanyń «Kýba domadores» komandasymen kezdesedi. О́z kezeginde kýbalyqtar Meksıka komandasyn jalpy nátıje boıynsha 10:0 esebimen jeńgen bolatyn. Búgingi boks keshinde taǵy myna boksshylardyń jekpe-jegine kýá bolamyz. 60 kg.: Zakır Safıýllın – Artýr Sýbhankýlov. 69 kg.: Danııar Eleýsinov – Iаkýb Nýrıev. 81 kg.: Nurdáýlet Jarmanov – Edýard Iаkýshev. +91 kg.: Ivan Dychko – Rýslan Shamalov. Elaman Qońyr. Derek: egemen.kz. Sýret: worldseriesboxing.com.