Shekaralas óńirlerdiń basshylary Shubarkól máselesin qarady

QOSTANAI. 24 mamyr. Qostanaı oblysynyń ákiim Nuraly Sádýaqasov Reseıdiń Troısk qalasynda Chelıabi oblysynyń gýbernatory Borıs Dýbrovskıımen kezdesip, Qarabalyq aýdanyndaǵy «Troıskaıa GRES» aksıonerlikqoǵamynyń fılıaly bolyp sanalatyn kúl úıindisiniń úshinshi seksııasynyń paıdalaný merzimin uzartý máselesin qarady.Bulý týraly egemen.kz tilshisi habarlady. Qostanaı oblysy boıynsha Ekologııa departamenti basshysynyń mindetin atqarýshy Vıktor Muhamedjanov: «Reseı federasııasy men Qazaqstan Respýblıkasy arasyndaǵy yntymaqtastyq jónindegi úkimetaralyq komıssııa 2018 jyldyń 1 mamyrynan bastap, kúl tastaıtyn oryndy paıdalanbaý jóninde sheshim qabyldaǵan bolatyn. Onda 2018 jyldyń sońyna deıin «OGK-2» – Troıskaıa GRES» ashyq aksıonerlik qoǵamy kúl tastaǵan kóldi tolyq tehnıkalyq jáne bıologııalyq óńdeýden ótkizip berý shartyn oryndaýy tıis», dedi. Troısk elektr stansasynyń kúlin tastaıtyn orynnyń jumysyn toqtatyn kez alys emes, eki jyl ǵana qaldy. Jyl saıynǵy shyǵatyn kúl qaldyqtarynyń kólemin esepteı kelgende, kúl tastaıtyn orynnyń 3-seksııasy merzimdi 2018 jyldyń 1 mamyryna deıin jartylaı ǵana tolady. Alaıda búgin kúl tastaıtyn orynnyń tolmaǵan kólemin óńdeıtin tehnologııa áli jasalǵan joq. О́tken jyly qazan aıynda eki jaq kezdesip, kúl tastaıtyn oryndy paıdalaný jónindegi birińǵaı usynystar týraly májilis jasaǵan bolatyn. Vıktor Muhamedjanov: «Onda 2015 jyldyń aıaǵyna deıin kúl tastaıtyn orynnyń 1, 2 seksııasyn tehnıkalyq jáne bıologııalyq óńddeýdi aıaqtap, 3 seksııany paıdalaný sharttaryn anyqtaý maqsatynda ekologııalyq aýdıt júrgizip, ony qarap, usynystar engizýi úshin Ekologııa departamentine berýi kerek bolatyn. Kúl tastaın orynnyń 3 seksııasyn paıdalanýǵa berý máselesi tabıǵat paıdalanýshylar 1 jáne 2 seksııanyń jerin óńdep, memleketke tapsyrǵanda ǵana jáne Shubarkól kólinde ekologııalyq aýdıt júrgizgende ǵana qaralady» dedi. Al Troısk elektr stansasynyń dırektory Borıs Krasnopeev sharttardyń merzimdi oryndalyp oytrǵanyn aıtyt. Onyń aıtýynsha, kúl tastaıtyn orynnyń 1 seksııasy óńdeldi, ol úshinshi toqsanda tapsyrylýǵa tıis.  2 seksııadaǵy tehnıkalyq jáne bıologııalyq óńdeý jumystary bastaldy, mamyr aıynda 26 gektar jer óńdeldi.  Qazirde Troısk GRES-i ekologııalyq aýdıt júrgizetin merdigerge konkýrs jarııalap ta qoıypty. Dırektor qostanaılyq ekologtardy osylaı sendirdi. Oblys ákimi Nuraly Sádýaqasov 3 seksııa tolmaı onda óńdeý jumystarynyń júrgizilmeıtinin túsinetinin aıtty. Biraq  reseılikter tarapynan 1 jáne 2 seksııada tolyq óńdeý jumystary aıaqtalmaıynsha, 3  seksııany odan ári paıdalanýǵa berý týraly másele qozǵalmaıtynyn da eskertti. Názıra Járimbetova. Derek, sýret: egemen.kz