EQYU-nyń Is basyndaǵy tóraǵasy: Helsınkı Qorytyndy aktisi 35 jyl ishinde óziniń ózektiliginen aıyrylǵan joq

Eýropadaǵy qaýipsizdik jáne yntymaqtastyq uıymynyń 1975 jyldyń 1 tamyzynda qol qoıyl­ǵan Helsınkı Qorytyndy akti­siniń 35 jyldyq mereıtoıynyń qarsańynda EQYU-nyń Is basyndaǵy tóraǵasy, Qazaqstannyń Memlekettik hatshysy – Syrtqy ister mınıstri Qanat SAÝDABAEV bylaı dep málimdedi: “Helsınkı Qorytyndy aktisi 35 jyl ishinde óziniń ózektiligi­nen aıyrylǵan joq. 35 mem­lekettiń basshylary Helsınkı qalasynda bas qosyp, maquldaǵan bul jańa­shyl jáne jan-jaqty qaýipsizdik tujyrymdamasy bú­gingi kúni de EQYU jaýapker­shiliginiń aıma­ǵyn­da qaýipsizdik pen yntymaq­tastyqtyń mańyzdy faktory bolyp tabylady. 35 jyl buryn bekitilgen qaýip­siz­diktiń áskerı-saıası, ekonomı­kalyq-ekologııa­lyq jáne gýma­nı­tarlyq degen úsh ólshemi osy kúnge deıin uıym qyzmetiniń negizi bolyp qalýda”. “Sonymen qatar álemde sońǵy jyldary bolyp jatqan kúrdeli ózgerister EQYU-ǵa múshe mem­le­ket­terden, ásirese, olardyń basshy­larynan, Vankýver men Vladı­vostok arasyndaǵy uıym jaýap­kershiligindegi aımaqta týyndaıtyn jańa qaýip-qaterlerge laıyqty shara qoldanýdy talap etedi. Son­dyqtan, EQYU-ǵa tóraǵalyq etip otyrǵan Memlekettiń basshysy Qa­zaqstan Prezıdenti Nursultan Nazarbaevtyń bıyl Astanada EQYU sammıtin shaqyrý týraly bastamasy qanshalyqty der kezinde aıtylǵanyna laıyqty baǵa berýdiń ózi ońaı emes. Bizdiń búgingi maq­sa­tymyz – “Vankýver men Vladı­vostok arasyndaǵy qaýipsizdik keńistigi tujyrymdamasyn tarıhta qaldyryp, jańadan eýrazııalyq jáne eýratlantıkalyq qaýipsizdik qaýymdastyǵyn qurý isine kóshý. Jańa geosaıası jaǵdaıda Helsınkı Qorytyndy aktisi tujyrymdama­synan oryndy túrde “Astana rýhy” sekildi jańa uǵym paıda bo­lyp, osyndaı kezdesýlerdiń asa ma­ńyzdy qorytyndysyna aınalaty­nyna biz kámil senemiz. Bul bizdiń uıymnyń mereıtoıyn laıyqty atap ótýge jáne ony XXI ǵasyrda jańa jetistikterge jeteleýge jol ashýy tıis”. Atalǵan Sammıt búgingi EQYU-ny quraıtyn 56 memleket basshylarynyń basyn qosyp, osy jyldyń aıaǵyna deıin Qazaqstan elordasy Astana qalasynda ótkiziledi dep kózdelgen. Syrtqy ister mınıstrliginiń baspasóz qyzmeti.