Bıylǵy jyldyń qańtar-maýsymynda óńirdegi ónerkásip, kásiporyndar men shaǵyn jáne qosalqy óndiris salasyndaǵy jumystardyń nátıjesi qorytyndylandy. О́tken jylmen salystyrǵanda, jumys aýqymy edáýir óskenin baıqaýǵa bolady. Osylaısha bólshek taýar aınalymynyń kólemi byltyrǵy jyldyń sáıkes merzimimen salystyrǵanda 28,7 paıyzdy qurap, tutynýshy talaby men talǵamyn zertteýde oń ózgeristerge qol jetkizilgen. Oblysta bıylǵy 1 shildege 15958 sharýashylyq sýbektileri tirkelgen. Ortasha aqshalaı tabys 58581 teńgeni qurady, Bul áleýmettik jaǵdaıdyń ýaqyt ótken saıyn jaqsarǵanyn bildiredi. Oblystyń áleýmettik-ekonomıkalyq damýy ónerkásip óndirisiniń ósý qarqynymen ólshenetini anyq. Saladaǵy óndiris kólemin qoldanystaǵy baǵamen eseptegende 149,5 mlrd. teńgeni qurady.
Kúmisjan BAIJAN. Almaty oblysy.
11 000 370 000 Ońtústikte jol-kólik ınfraqurylymyn jaqsartýǵa osynsha qarjy jumsalýda. Ońtústiktiń joldary oıdym-oıdym bolyp, kólik ıeleri oıbaıǵa basyp jatatyn ýaqyttary keıinge syrǵyp barady. Kásipkerlerdiń de qoly uzaryp qaldy. Asfaltqa qajet kerek-jaraqtardy túgeldeı ózderi daıyndaıdy. Oblystyq iskerler arasyndaǵy názik jandylardan jalǵyz ókil – Ráshkúl Ospanálıevanyń eki asfalt zaýyty Túrkistan jáne Saryaǵash baǵytyndaǵy joldarda ot salǵan samaýryndaı tútini býdaqtap jumys istep tur. Oblysta jańadan bes kópir paıdalanýǵa beriledi. Sonyń biregeıi – Túrkistan qalasy Baltakól aýylyndaǵy Syrdarııa ústinen kesip ótetin kópir. Darııanyń arǵy betindegi aýyl úshin buǵan deıin talaı ret kópir salynǵan. Qalqyma kópirdi kóktemgi yrǵyn sý julyp ketti, kater súıregen paromda adam shyǵyny da bolyp jatatyn. Endi jańa kópirge oblystyq bıýdjetten 1 mlrd. teńgege jýyq qarjy qarastyrylyp otyr.
Baqtııar TAIJAN. ShYMKENT.
145 Oral óńirinde “Taza sý” baǵdarlamasyna sáıkes osynshama eldi meken aýyz sýmen qamtylmaq. Batys Qazaqstan oblysynda 2011-2015 jyldarǵa arnalǵan atalmysh baǵdarlamanyń aýqymy keń. О́z ataýynan kórinip turǵanyndaı ol birinshi kezekte turǵyndardy aýyz sýmen qamtý maqsatyn kózdeıdi. Oǵan qajetti qarajat respýblıkalyq jáne jergilikti bıýdjetterden bólinbek. Taqyrypta atap kórsetilgendeı “Taza sý” baǵdarlamasy 108 myń adam turatyn 145 eldi mekendi aýyz sýmen qamtýǵa alǵyshart jasaıdy. Bul oblys kólemindegi eldi meken turǵyndarynyń 30 paıyzǵa jýyǵyn quraıdy. Munyń ózi osynshama adam ortalyqtandyrylǵan aýyz sýdy tutynýǵa múmkindik alady degen sóz.
Temir QUSAIYN. Batys Qazaqstan oblysy.
