2010 jyldyń 11 tamyzynda qasıetti Ramazan aıy bastalady

ORAZA QABYL BOLSYN!

Qurmetti musylman baýyrlar, otandastar!

Caǵyna kútip, qımaı qoshtasatyn, Quran Kárimniń asyl aıattary túse bastaǵan musylman jurtshylyǵynyń qasıetti aıy Ramazanǵa da jettik. Ramazan – Alla taǵalanyń meıirim nury jaýatyn, sharapaty mol, izgi nıetti iske saýa­by kóp, jyl on eki aıdyń eń qadirlisi. Bul aıda Allanyń rahymynan úmit ete oty­ryp oraza ustap, qulshylyq jasaǵan adam­nyń táýbesi qabyl bolyp, japyraqtary tó­gilgen kúzgi aǵashtaı kúnálarynan arylady. Tańnyń atysy, keshtiń batysyna deıin nár tatpaı ǵana qoımaı, munymen qosa túrli jamandyqtardan boıyn aýlaq ustaý – náp­sini tárbıeleýdiń úlken mektebi ekeni daýsyz. Al kúni boıǵy nápsimen arpalysqan kú­restiń esesine keshke sizdi mol saýap, erekshe lázzatty sátterdiń kútip turýy óz aldyna bir ǵanıbet. Oraza ustaý – Quran Kárimde jáne Paı­ǵam­barymyzdyń (s.ǵ.s.) hadıs sháripterinde naqty bekitilgen bes paryzdyń biri. Quranda: “Eı, ıman keltirgender! Senderden burynǵylarǵa paryz etilgendeı taqýalyqqa jetýleriń úshin oraza ustaý senderge de paryz etildi” – delingen (“Baqara” súresi, 183-aıat). Paıǵambarymyz (sallallahý aláıhı ýásállám) bir hadısinde Alla taǵalanyń bylaı dep buıyrǵanyn jetkizgen: “Adam balasynyń barlyq amaly ózi úshin ... Alaıda orazanyń jóni bólek. Onyń qarymyn tek Men beremin. О́ıtkeni ol tek meniń razylyǵym úshin iship-jeýden bas tartty. Oraza ustaǵan adamnyń eki qýanyshty sáti bar: bireýi aýyzashar ýaqyty, ekinshisi, Alla taǵalamen qaýyshar sáti. Oraza ustaǵan adamnyń aýzynan shyqqan ıis Men úshin jupar ıisti mıskten artyq” . Oraza bir jaǵynan adamnyń óz-ózine esep berýi ispetti. Ol – ıláhı syrlardy túısinýdiń qutty keńistigi. Ramazannyń aspany qaı kezde de berekeli aq nóserin tógýge daıyn rahym bulttaryna toly. Onyń sulý tamshylary kenezesi kep­kenderdiń tańdaıyn jibitip, shólin basady. Oraza – musylman úshin úl­ken sabyr mektebi. Sondyqtan musylmandar bul aıda ádep bil­mes pendelerdiń ózine ja­sa­ǵan nebir oǵash is-áreketterin kórip, ashý shaqyrar sózderin estise de, jarylýǵa shaq qalǵan nápsisine “Men orazamyn” de­gen jalǵyz aýyz sózben toqtaý salyp, sabyrǵa shaqyrady. Mundaı kútpegen sózben soqqy alǵan sol ádep bilmesterdiń ózi de tereń oıǵa shomyp, táýba­syna keledi. Bul aıda múmin-musyl­man­dardyń kózi tek aqıqatqa ǵana ashylyp, qulaǵy tek jaqsy nasıhatty ǵana tyńdaıdy. Tili bos sózderge kúrmeledi de, nebir jaqut-marjan jaqsy sózderge aǵytylady. Qoly tek adal ustap, aıaǵy tek saýap izdep, jaqsylyqqa júgiredi. Mundaı jandardyń jadynda árdaıym Haq Elshisiniń (s.ǵ.s.): “Kimde-kim jalǵan sóıleýin qoımasa, jaǵymsyz qylyqtarynan tyıylmasa, Alla taǵala ondaı adamnyń tek aýyz bekitkenine muqtaj emes”, degen eskertýleri jańǵyryp turady. Musylmandyq kúntizbe boıynsha ár jylǵy oraza onyń aldyńǵy jylǵy oraza ýaqytynan on, on bir kúnge buryn ustalady. Bıyl Ramazan aıynyń birinshi kúni tamyz aıynyń 11-ine sáıkes kelip tur. Iаǵnı, bul jylǵy oraza kúnderi jyldaǵydan anaǵurlym ystyq bolmaq. Sondyqtan musylman jamaǵaty ózge jyldaǵylarǵa qaraǵanda, kóbirek tózimdilik tanytýyna týra keledi. Kúni boıy ashtyq pen shóldiń qıyndyqtaryna tózip, tipti kúnniń mı qaınatar aptap ystyǵynda aýyz bekitip, shydaıdy. Alaıda, Allanyń razylyǵy úshin ystyq pen shóldiń taýqymetin tartyp bul dúnıede qınalǵan adam o dúnıede sheksiz rahymǵa bólenbek. Osy tusta elimizdegi kásipker azamattar men mekeme basshylaryna búkil Qazaqstan musylmandarynyń atynan ótinish-tilegimizdi de jetkizgeli otyrmyz. Alla rızalyǵy úshin qasıetti Ramazan aıynyń qurmetine elimizde aı boıy azyq-túlik baǵalaryna, qonaqúı sııaqty basqa da qyzmet kórsetý oryndarynyń, ushaq, poıyz, basqa da kólik baǵalaryna 10 paıyzdyq jeńildik jasaýǵa shaqyramyz. Sondaı-aq, bul aıda dúkenderde ishimdiktiń barlyq túri satylmasa deımiz. Sóz sońynda, barlyqtaryńyzdy qasıetti Ramazan aıynyń kelýimen quttyqtap, nıetterińiz qabyl bolsyn demekpiz. Júzderińizdegi nur, júrekterińizdegi ıman arta bersin. Otanymyz aman, jurtymyz tynysh, barsha Qazaqstan azamattarynyń yntymaq-birligi berik bolǵaı! Sheıh Ábsattar qajy DERBISÁLI, Qazaqstan musylmandary dinı basqarmasy jáne Orta Azııa múftıler keńesiniń tóraǵasy, Bas múftı.

Meıirimdi, Rahymdy Allanyń atymen!

RAMAZAN – MUSYLMANDARDYŃ ULYQ MEREKESI

“Ramazan – adamdarǵa týra jol nusqaýshy, aq pen qarany aıyrýshy, bekem tutynatyn jolbasshy retinde Quran túsirile bastaǵan aı. Ramazan aıy týǵanyn kórgen adam birden oraza ustaıtyn bolsyn. Eger bireýler aýrý bolyp, áıtpese jolsaparda júrse, onda basqa kúnderde ótesin. Alla senderge jeńildik bolýyn qalaıdy, aýyrlyq túsirgisi kelmeıdi.” (“Baqara” súresi, 185-aıat) QASIETTI RAMAZAN AIYNDAǴY ORAZA USTAÝ MEN NAMAZ OQÝ ÝAQYTYNYŃ KESTESI (Almaty ýaqyty boıynsha) 2010 jyl – hıjrasha 1431 jyl Ramazan                Apta      Tamyz-  Tań         Kúnniń   Besin     Ekinti    Aqsham Quptan aıynyń                kúnderi  qyrkúıek             namazy shyǵýy  namazy namazy namazy namazy reti                        aıy                                                                       (aýyz ashar) 1              Sársenbi               11            4:02         5:53         13:00       17:58       20:05       21:35 2              Beısenbi               12            4:06         5:55         12:59       17:56       20:02       21:32 3              Juma    13            4:08         5:56         12:59       17:55       20:00       21:30 4              Senbi     14            4:09         5:57         12:59       17:54       19:59       21:29 5              Jeksenbi              15            4:11         5:58         12:59       17:53       19:58       21:28 6              Dúısenbi              16            4:13         5:59         12:59       17:52       19:56       21:26 7              Seısenbi               17            4:14         6:00         12:58       17:51       19:54       21:24 8              Sársenbi               18            4:16         6:02         12:58       17:50       19:53       21:23 9              Beısenbi               19            4:17         6:03         12:58       17:49       19:51       21:21 10            Juma    20            4:19         6:04         12:58       17:48       19:50       21:20 11            Senbi     21            4:21         6:05         12:57       17:47       19:48       21:18 12            Jeksenbi              22            4:22         6:06         12:57       17:46       19:47       21:17 13            Dúısenbi              23            4:24         6:07         12:57       17:44       19:45       21:15 14            Seısenbi               24            4:25         6:08         12:57       17:43       19:43       21:13 15            Sársenbi               25            4:27         6:09         12:56       17:42       19:42       21:12 16            Beısenbi               26            4:29         6:10         12:56       17:41       19:40       21:10 17            Juma    27            4:30         6:11         12:56       17:40       19:38       21:08 18            Senbi     28            4:32         6:13         12:56       17:38       19:37       21:07 19            Jeksenbi              29            4:33         6:14         12:55       17:37       19:35       21:05 20            Dúısenbi              30            4:35         6:15         12:55       17:36       19:33       21:03 21            Seısenbi               31            4:36         6:16         12:55       17:34       19:32       21:02 22            Sársenbi               1              4:38         6:17         12:54       17:33       19:30       21:00 23            Beısenbi               2              4:38         6:17         12:54       17:33       19:30       21:00 24            Juma    3              4:41         6:19         12:54       17:30       19:26       20:56 25            Senbi     4              4:42         6:20         12:53       17:29       19:25       20:55 26            Jeksenbi              5              4:43         6:21         12:53       17:28       19:23       20:53 27            Dúısenbi              6              4:45         6:22         12:53       17:26       19:21       20:51 28            Seısenbi               7              4:46         6:24         12:52       17:25       19:19       20:49 29            Sársenbi               8              4:48         6:25         12:52       17:23       19:18       20:48 ESKERTÝ: * Bıyl, ıaǵnı 2010 jyly musylmandyq aı kúntizbesi boıynsha Qasıetti Ramazan aıy 29 kún. 1. Qyrkúıektiń 5-inen 6-na qaraǵan tún Láılátýl-Qadr, ıaǵnı qasıetti Qadir túni. 2. Sáresi ishý tań namazynyń kirýine 10 mınýt qalǵanda toqtatylady. 3. Aýyzdy aqsham namazynyń ýaqyty bolysymen qurmamen nemese sýmen jáne t.b. jemispen de ashýǵa bolady. 4. Taraýıh namazy Quptan namazynan keıin oqylady, al Útir-Ýájip namazy eń sońynan jamaǵatpen oqylady. 5. Pitir-sadaqany ramazan aıynyń basynan aıt namazyna deıin berýge bolady. Pitir Almaty boıynsha 100 teńge. 6. 9 qyrkúıek (beısenbi) kúni Oraza aıt meıramy bastalady. Aıt namazy Almatyda saǵat 7. 00-de oqylady. 7. Orazaǵa nıet: Alla taǵala úshin múbárak Ramazan aıynyń orazasyn ustaýǵa tańnan kún batqanǵa deıin nıet ettim. Aýyzashar duǵasy: “Jaratqan Iem Sen úshin oraza ustadym, Saǵan ıman keltirdim, Saǵan táýekel ettim, Sen bergen rızyq  nesibeńmen aýyz ashtym. Iá, keshirimdi Alla! Meniń aldyńǵy jáne sońǵy kúná-kemshilikterimdi keshire gór!”

QURMETTI MUSYLMAN BAÝYRLAR!

Alla Taǵala bárińizge myqty densaýlyq, zor kúsh-qýat bersin, jasaǵan ǵıbadattaryńyzdy qabyl etsin! Sheıh Ábsattar qajy DERBISÁLI, Qazaqstan musylmandary dinı basqarmasy jáne Orta Azııa múftıler keńesiniń tóraǵasy, Bas múftı.