Jany izgilerge jomarttyq jarasady

Qurmetti otandastar! Elimizdiń barlyq azamattaryn aılardyń sultany qasıetti Ramazan aıyna baılanysty mol saýapqa kenelter is-sharalar atqarýǵa shaqyramyn. Múbárak aıda Alla taǵala rı­zalyǵy úshin kúndelikti tutynatyn azyq-túlikter men kıim-keshek, qonaq úı, shashtaraz, monsha sııaqty basqa da qyzmet kórsetý oryndary men ushaq, poıyz, avtobýs, basqa da kólik baǵalaryn 10 paıyzǵa arzan­datýǵa jáne dúkenderde, meıramha­nalarda spırtti ishkilikterdiń eshbir túrin satpaýǵa, toı dastarqan­da­ry­na araq-sharap qoımaýǵa úndeımin. Teledıdarlardan beıádep, zor­lyq-zombylyq, urlyq-qarlyqty na­sıhattaıtyn serıaldar men fı­l­m­­derdi kórsetpeı, esesine adam­gershilik pen otan súıýshilik kóz­­qa­rasty qalyptastyratyn dúnıelerge óris ashyp, halyqtyń qasıetti Ra­mazannyń sharapatyn múmkin­di­ginshe sezinýine úles qosýlaryńyz­dy suraımyn. Bilim berý oryndarynda stý­dent­ter men shákirtterge oraza us­taýdyń artyqshylyqtaryn túsin­dirý de jyldaǵydaı jalǵasyn taý­yp, izgilik óristeı berýin tileımin. О́ıtkeni, jyl saıyn Ramazan aıyn qýana qarsy alyp, aına­la­myzǵa nur shuǵylasyn shashqan qa­sıetti keshterdiń, qulaq quryshyn qandyratyn azannyń, sáresidegi táttiliktiń, aýyzashardaǵy lázzatty, taraýıh namazyna degen yntany kórgen jastar da bul aıdyń erek­sheligin sezinip, jyl saıyn Ramazandy asyǵa kútetini haq. Ramazan – jyǵylǵandy demep, jylaǵandy jubatatyn, muń-muqtajdardyń qabaǵynan kirbiń aryltatyn shynaıy janashyrlyq aıy. Bul aıda jaqsylyq kórgen jetim-jesirlerdiń júzi jadyrap, ǵarip-miskinderdiń arqa-basy ke­ńeıedi. Osyǵan oraı, qamqorlyqqa muqtaj jandarǵa tıisinshe kómek-qoldaý kórsetýdiń mán-mańyzy da aıryqsha. О́ıtkeni, jomarttyq – kórkem minezdiń ajyramas bóligi. Qudiretti Jaratýshymyz kóptegen aıattarda musylmandardy jomart­tyq­qa, Alla taǵala jolynda jaq­sylyq jasaýǵa shaqyrady. “Muham­med” súresiniń 38-aıatynda Alla ta­ǵala: “Negizi, sender Alla jolynda mal jumsaýǵa shaqyrylýdasyńdar. Alaıda, aralaryńda sarańdar bar. Kimde-kim sarańdyq jasasa, ózine sarańdyq jasaǵany... Eger Alladan teris aınalsańdar senderdiń oryndaryńa basqa qaýym ákeledi”, – deıdi. Ne­gizinde, Alla taǵala eshkimniń bergenine muqtaj emes, bermegen adam ózine sarańdyq etkeni. Alla taǵala dúnıe-múlkin jaq­sylyq jolynda jumsamaıtyn qaý­ym ornyna basqa qaýym jibe­re­tinin aıtyp, eskertken. Olar ıman men taqýalyqqa ıe bolyp, Alla­nyń ýáde etken saýaptary men je­tis­tigine jetedi. Taǵy bir aıatta: “Allanyń keńshiliginen ózderine berilgen nárselerinde sarańdyq et­kender, muny ózderi úshin qaıyrly dep oılamasyn. Joq, bul olarǵa jamandyq ákeledi. Sarańdyq etken nárseleri qııamet kúni olardyń moı­­nyna oralady. Kókter men jer­diń murasy Allaniki. Alla taǵa­la senderdiń istegenderińnen tolyq habardar” (“Álı-Imran” súresi, 180-aıat), – delingen. Ramazan aıynda jasap júrgen jaqsylyqtarymyzdy barynsha arttyrǵan jón. О́ıtkeni, munyń saýaby ózge aılarǵa qaraǵanda álde­neshe ese kóbeıe túseri sózsiz. Ramazan aıy adamnyń ózin-ózi tár­bıeleýdiń úlken mektebi eken­digin eskersek, atalǵan ıgilikti bas­tamalar ózge aılarda da jalǵasyn tabatyn baıandy qaıyr-ıhsanǵa ulasaryna kámil senimmen barsha otandastardy osynaý izgi maqsat­tarǵa jumyla atsalysýǵa shaqy­ramyn. Sheıh Ábsattar qajy DERBISÁLI, Qazaqstan musylmandary dinı basqarmasy jáne Orta Azııa múftıler keńesiniń tóraǵasy, bas múftı.