Qazaq ýnıversıtetiniń 70 rektorlyq granty halyqaralyq jáne respýblıkalyq baıqaýlar, olımpıada, ǵylymı joba jeńimpazdary men “Altyn belgi” ıelerine tabys etildi

Qazaq ulttyq ýnıversıteti bıylǵy oqýǵa qabyldaý boıynsha 3200 memlekettik bilim grantymen kóshbasshy atanyp otyr. Sony­men birge ol Biryńǵaı ulttyq tes­tide joǵary ball jınap, biraq, memlekettik bilim grantyna ıe bola almaǵan talapkerlerge qol­daý kórsetýde. Talapkerlerdiń ba­sym bóligin “Altyn belgi”, erek­she úlgidegi attestat ıegerleri jáne t.b. quraıdy. Qabyldaý komıssııasynyń derekterine súıensek, 2010 jyly QazUÝ stýdentteriniń qatary 700 “Altyn belgi” ıegerlerimen jáne 150-den astam halyqaralyq ol­ım­pıada jeńimpazdarymen to­lyq­ty. Endi olardyń qataryna rektorlyq granttardyń ıegerleri de qosylyp otyr. О́tken jylmen salystyrǵanda, rektorlyq grant­tardyń sany 3,5 esege kóbeıgen. Joǵary “sapa” men bıylǵy jyldyń rekordty kórsetkishteri Qazaqstannyń joo bas reı­tın­gi­sinde birinshi orynda turaqtaǵan Qazaq ulttyq ýnıversıteti úshin tańǵalarlyq jáıt emes. Bas bilim ordasy ekinshi jyl qa­tarynan jańa stýdentterdi qabyldaý tujyrymdamasyn júze­ge asyryp jatyr. Bul strategııa sheń­berinde respýblıkamyzdyń túkpir-túkpi­rinde orasan zor kásibı baǵyt­taǵy jumystar ja­saldy. Qazaq­stan­nyń 14 obly­syn­da “Ál-Farabı” pán­dik olım­pıadalary ótip, ýnı­ver­sı­tettiń arnaıy komıssııasy da­ryn­dy mektep oqýshylaryn izdestirdi. Joǵaryda atalǵan 70 rektor­lyq grantty stýdent atanǵan qýa­nyshty talapkerlerge tapsyryp turyp rektor Baqytjan Juma­ǵu­lov bıylǵy birinshi kýrs stýdent­te­riniń joǵarǵy deńgeıi qazaq­standyq ıntellektýaldy ulttyń jańa tolqynyn qalyptastyrý men bilikti mamandardy daıarlaý isinde myqty negiz bolatynyna senimdi ekendigin atap kórsetti. Qorǵanbek AMANJOL.