Astanany aıshyqtaǵan “Imstalkom”

Qaraǵandyda “Imstalkom” atalatyn zaýyt bar. Ony ásirese, Astanadaǵy qurylys uıymdary jaqsy biledi. Mun­da shyǵarylatyn metall qurylǵylaryna qaı-qaısysy da talasa alady. Birazy kúni buryn qam jasap, tapsyrys berip qoıady. О́ıtkeni jan-jaqtan suranystyń kóptiginen búıt­pese keıde kerekti zattarǵa qol jetpeı qalýy múm­kin. Sondyqtan aldyn-ala ýaǵdalastyq senimdi. Ádette bu­lar elordada eń sándi qurylys salýshylar bolyp tabylady. Osylaı bolǵan soń “Imstalkomnyń” qoltańbasy birden baıqalatyn ǵımarattar az emes. Máselen, jaqynda qurastyrylýy aıaqtalǵan Esildiń ústinen ótetin Kúıgenjar tusyndaǵy kópir sonyń biri. Kópshilik bile júrýi úshin aıtalyq, ony montajdaýda burynǵysynsha beriktirýge burandalar paıdalaný ornyna tutastaı dánekerlenip shyqqan. Osy tásildi elimizde birinshi ret qoldanyp, iske asy­rýshy “Imstalkom-Temirtaý” kásipornynyń quras­ty­rýshylary bul arqyly kópir beriktigin tipti bekem qylǵan. Kópir demekshi, atalǵan zaýyt ónimderi alǵash ret Semeı­degi kópirdi salýda tanylyp, talapshyl, talǵampaz japon montajshylarynyń ókpe-renishteri bolǵan joq. Sodan keıin Esildiń eki jaǵalaýyn jalǵastyrǵan qazirgi belgili kópir qańqasy da Qaraǵandy metall qurylǵy­larynan órildi. Búginde Astana tórinde asqaqtaǵan “Báıterek”, “Qazaq eli” eskertkishi, áýejaı, bıznes ortalyǵy sııaqty nysan­dardyń da negizin “Imstalkomda”, jasalǵan qurylǵylar quraıdy. Endi kásiporyn taǵy bir iri qurylysqa qatysýda. Azıada – 2011 oıyndarynda hokkeıshiler kúsh synasatyn jabyq muz aıdynynyń metall qurylǵylaryn jasaý jáne qurastyrý kásiporyn enshisine tıgen. – Zaýytymyzdyń kúsh-qýaty jyldan jylǵa artyp keledi. Buǵan bir jaǵynan Astana úlken sep bolyp otyr. Tapsyrys kóp. О́nim ótimdi bolsa, odan artyq ne kerek. Sol múmkindikti paıdalanýǵa umtylystamyz. Soǵan oraı kásiporyndy teh­nıkalyq jańartýǵa jyl saıyn 1,5 mıllıard teńge bólinedi. Qaı­tarymy jaman emes, – deıdi “Imstalkom” Qaraǵandy me­tall konstrýksııalary zaýyty” JShS dırektory Marat Jahın. Kóz ­aldymyzda kórkeıýi jyldam bas shahardyń shapaǵaty arqasynda osynaý óndiris oshaǵynyń qulashy keńge serme­lip barady. Astanadaǵy qurylys qanat jaıǵan saıyn tabysy tolymdy, qadamy alymdy. Ol sony arqalanady. Aıqyn NESIPBAI, Qaraǵandy.