Qýat Amerıkanyń Massachýsets ýnıversıtetin bitirip, qazir sol jaqta oqýyn ári qaraı jalǵastyrýda. Al, osy “Altyn balanyń” ustazy degenimiz ol – Davıd Ganelın, fızıka-matematıkaǵa qabileti joǵary balalardy oqytyp, daıyndap shyǵaratyn ataqty muǵalim.
2003 jyly Elbasynyń Jarlyǵymen uzaq jylǵy ustazdyq eńbegi eskerilip, “Eren eńbegi úshin” medalimen marapattaldy. Bul mektepke oqýǵa keletin oqýshylar úlken tańdaýdan, synaqtan ótedi. Kópshiligi Qýat sııaqty Ganelınniń ataqty shákirtteriniń biri bolǵylary keledi. Lıseıde oqyp júrgen kezinde Qýat Japonııada ótken halyqaralyq olımpıadadan altyn medalmen, al Nıý-Iork pen Shotlandııada ótken jarystardan kúmis medalmen oraldy.
Daryndy balalarǵa arnalǵan mektep-lıseıde oqýshylarǵa matematıka-fızıka pánderinen sabaq bere júrip, Ganelın qoly sál bosaı qalǵanda oqýlyqtar jazýmen de aınalysyp júr. Bar arman-maqsaty – matematıkaǵa, fızıkaǵa asa qabiletti oqýshylardyń daryndaryn shyńdap, halyqaralyq olımpıadalyq jarystarda elimizdiń atyn álemge tanytý.
Bul kúnderi shákirtteri Amerıkada oqıtyn, matematıka páni boıynsha elimizdegi úzdik olımpıadalyq mektep bolyp tabylatyn №8 lıseıdiń muǵalimi Davıd Ganelın úshin bıylǵy jańa oqý jyly ári qýanyshty, ári tabysty bastaldy deýge bolady. Ustaz eńbegi aqtaldy. Jýyrda bolyp ótken dástúrli tamyz máslıhatynda Davıd Ganelınge, oblys ortalyǵyndaǵy Abaı atyndaǵy mektep-lıseıdiń muǵalimi Roza Qasymjanovaǵa jáne Sharbaqty aýdany Jylybulaq jalpy bilim beretin orta mektep muǵalimi Sulýshash Qaldybaevalarǵa oblys ákimi Baqytjan Saǵyntaev “Jıgýlı” jeńil avtokóliginiń kiltterin tapsyrdy.
Farıda BYQAI, Pavlodar oblysy.
