Ardager aıaqdop sheberine qurmet

“Nur Otan” HDP Ortalyq apparatynda partııa Tóraǵasynyń birinshi orynbasary Nurlan Nyǵmatýlın tanymal fýtbolshy, Qazaqstannyń eńbek sińirgen jattyqty­rýshysy, Qazaqstan Respýblıkasy Fýtbol federasııasynyń vıse-przıdenti Seıilda Baıshaqovpen kezdesti. Sporttaǵy jolyn 1970 jyly Jambyldyń “Energetık” komandasynda bastaǵan Seıilda Baıshaqov bir jyldan keıin sol kezdegi elimizdiń jetekshi komandasy – “Qaırattyń” negizgi quramy sapyna shaqyrylady. Tasqamal qorǵaýshy KSRO chempıonatynyń eń úzdik debıýtanty retinde tanylsa, KSRO birinshiliginiń joǵarǵy lıgasynda 225 match ótkizip, ózin asa sheber oıynshy retinde kórsete bilgen. Kezdesý kezinde Nurlan Nyǵmatýlın Qazaqstan fýtbolynyń damýyna ólsheýsiz úles qosqan, búginde 60 jasqa tolyp otyrǵan mereıtoı ıesin asqaraly jasymen quttyqtap, oǵan partııanyń eń joǵarǵy marapaty – “Belsendi qyzmeti úshin” tós­­belgisi men estelik syılyqtar tabys etti. “Siz tek Qazaqstanda ǵana emes, bu­rynǵy Odaq kóleminde eń úzdik debıýtant atanyp qana qoımaı, qazaǵymyzdyń atyn shyǵardyńyz. Sol úshin biz sizdi qazaq fýt­bolynyń abyroıy, qaharmany, Qa­zaq­stanymyzdyń mereıi, mártebesi dep bilemiz jáne árqashan da qurmetteımiz. Siz Qa­zaqstan fýtbolynyń damýyna úlken úles qosyp kelesiz. Jasyńyzǵa jas qosylyp, halqymyz úshin, jastar úshin eńbek etip júre berińiz. Al biz, “Nur Otan” partııasy sizderge qoldaý kórsetetin bolamyz. Sebebi, Elbasy Nursultan Nazarbaevtyń ózi aıtqandaı, qazaqstandyqtardyń 30 paıyzǵa jýyǵy buqaralyq sportqa jumylýy qajet. Al sizder, ıaǵnı sport salasynyń mamandary Memleket basshysynyń sol tapsyrmasyn oryndaýǵa tikeleı múddeli bo­lyp, qazaq sportynyń damýyna úlken mán be­rip otyrsyzdar”, – degen partııa Tó­ra­ǵasynyń birinshi orynbasary ardager sport­shyǵa densaýlyq, otbasyna amandyq tiledi. Al Seıilda Baıshaqov óz kezeginde partııanyń ózine kórsetken qurmeti úshin alǵysyn jetkizdi. “Bul eń birinshi kezekte maǵan degen qurmet pen senimniń belgisi. Sol sebepti men bolashaqta da ózimniń bar kúsh-jigerimdi Qazaqstan sportynyń damýyna baǵyttaıtyn bolamyn”, dedi tanymal aıaqdop sheberi. Láıla EDILQYZY.