Áleýmettik salanyń áleýetin arttyrǵan

Qazaqstannyń ekonomıkalyq áleýetiniń artýyna, elimizdiń munaı-gaz salasynyń qarqyndy damýyna “Qarashyǵanaq Pet­rolıým Opereıtıng B.V” (QPO) kompanııasynyń qosqan úlesi keshendi de qomaqty. QPO energetıkalyq qýat kózderi boıynsha elimizdiń eksporttyq áleýetin arttyrý, el ekonomıkasyn ınnovasııalyq ártaraptandyrý úrdisin jetildirýmen qatar óńirdiń áleýmettik ınfraqury­ly­myn damytýǵa da barynsha jaǵdaı jasap keledi. Álemdik munaı-gaz salasynda ataǵy shyqqan bul bedeldi qurylymnyń jergilikti jerdegi turǵyndardyń turmys ahýalyn jaqsartý maqsatynda atqaryp jatqan ıgi sharalary da jeterlik. Bıylǵy jańa oqý jyly qarsańynda QPO Aqsaı qalasynda 900 oqýshyǵa ar­nalǵan jańa mektep ǵımaratyn salyp paıdalanýǵa berdi. Aqsaı qalasynyń 10-shy shaǵyn aýdanynda boı kótergen bul №6 orta mektep ǵımaratynyń qurylysy QPO-nyń qarjylandyrýymen eki jyl merzimde tolyq júzege asty. Bul áleý­met­tik nysanǵa 8 mıllıon AQSh dollarynan astam qarjy bólingen. Nysannyń qury­lysyn bas merdiger retinde “Jaıyqsel­stroı” atty oraldyq qurylys kompanııa­sy júzege asyrdy. Jańa mektep ǵımaratynda óskeleń talaptarǵa saı oqý korpýsymen qatar 2 sport zaly, horeografııalyq jáne kom­pıý­terlik ortalyqtary bar. 560 oryndyq akty zaly da erekshe kóz tartady. Mektep ja­nynda úlken stadıon jáne sport alańdary, bastapqy áskerı daıyndyq alańdary jabdyqtalǵan. Sol sııaqty synyptan tys sabaqtar ótkizýge arnalǵan oryndar da bar. QPO kompanııasy jańa mektep ǵı­ma­ratyn qajetti jabdyqtarmen, jıhazdar­men, kompıýterlik tehnıka jáne meto­dıkalyq kórneki quraldarmen tolyq qamtamasyz etti. Sonymen birge mektep janynda jol júrý erejelerin úırenetin arnaıy alań jabdyqtalǵan. Mektep ǵı­maratynyń aınalasy kógaldandyrylyp, joǵary talǵam talabyna saı abatta­n­dyrylǵan. Aqsaı qalasyndaǵy jańa mektep ǵımaratynyń ashylý saltanatyna Batys Qazaqstan oblysynyń, Bórili aýdanynyń basshylary, QPO kompanııasynyń jetek­shileri, merdigerlik uıymnyń basshylary, ardagerler jáne óńirdiń qoǵamdyq uıym­darynyń ókilderi qatysty. Saltanatta sóz alǵan ardagerler men ata-analar os­yn­daı zamanaýı mektep ǵımaratyn paıdalanýǵa bergen demeýshilerge shynaıy alǵystaryn bildirdi. – Elimizdiń aıtýly merekesi bolyp tabylatyn Konstıtýsııa kúni jáne jańa oqý jyly qarsańynda osyndaı iri de irgeli oqý ornynyń boı kóterýi aqsaı­lyq­tar úshin úlken qýanysh ári zor mereke. Bul ıgi jetistikke Batys Qazaqstan ob­lysynyń, Bórili aýdanynyń ákimdikteri men QPO kompanııasynyń arasyndaǵy tyǵyz áriptestik baılanystyń arqasynda qol jetkizdik. Aldaǵy ýaqytta da bul óza­ra tyǵyz baılanysymyz ben jemisti árip­testigimiz jalǵasa bermek, – dedi sal­ta­natta sóılegen sózinde QPO kompanııa­sy­nyń Úkimetpen jáne syrtqy baıla­nys­tar jónindegi dırektory Nurjan Kamalov. Batys Qazaqstan oblysy ákiminiń or­ynbasary Nurlan Noǵaev Qazaqstan Res­pýblıkasy Konstıtýsııasynyń 15 jyl­dyǵy merekesi qurmetine ashylyp otyrǵan jańa mekteptiń artyqshylyqtaryna jan-jaqty toqtala kelip, osy ıgi maqsatty jú­zege asyrǵan QPO kompanııasy men mer­digerlik uıymdar tarapyna úlken alǵys aıtty. QPO kompanııasynyń jańa oqý jyly qarsańyndaǵy áleýmettik demeýshilik qadamdary osy bir jańa mekteppen shektelgen joq. Kompanııa Konstıtýsııa kúni merekesine oraı Bórili aýdanynyń mektep-ınternatyna jáne Berezovskıı, Ýspenskıı, Qarasý, Prıýralııa, Qyzyl­tal selolyq mektepterine bir-bir jańa avtobýs syılady. QPO-nyń áleýmettik salaǵa baǵyttalǵan jobalary sheńberinde Qarshyǵanaq kentindegi bastaýysh mektep­ke kúrdeli jóndeý jumystary jasalyp, az qamtamasyz etilgen otbasylarynan shyqqan 135 balaǵa tolyqtaı mektep jabdyqtary satyp alyndy. QPO kompanııasy О́nimderdi bólý týraly qorytyndy kelisim sheńberinde ózderi qabyldaǵan mindettemege sáıkes Batys Qazaqstan oblysynyń áleýmettik ınfraqurylymyn damytý jónindegi jobalarǵa jyl saıyn 10 mıllıon AQSh dollary mólsherinde qarjy bólip keldi. Al 2009 jyly Qazaqstan Respýblıkasy Úkimetiniń jáne Qarashyǵanaq jobasyn basqarýdyń birlesken komıtetiniń she­shimimen óńirdiń áleýmettik ınfraqury­ly­myn damytý jobalaryna bólinetin jyl saıynǵy qarjy mólsherin 20 mıllıon AQSh dollaryna jetkizildi. О́ńirde jemisti jumysyn jalǵas­ty­ryp kele jatqan QPO kompanııasynyń áleý­mettik ınfraqurylymdy damytýǵa bólgen qarjysynyń nátıjesinde Batys Qazaq­stan oblysynda birqatar mektep, aýrý­hana, sport, áleýmettik jáne mádenı orta­lyqtar boı kóterdi. Jańa joldar saly­nyp, ob­lystyń birqatar eldi me­kenderine gaz jáne sý qubyrlary tar­tyl­dy. QPO kompa­nııa­sy О́nim jónindegi aqyrǵy ke­lisim mer­ziminiń ishinde óńirdiń áleýmettik ınfra­qurylymyna jarty mıl­lıard AQSh dollarynan astam ın­vestısııa sal­maq. Bul elimizdiń áleý­met­tik áleýetin art­tyrý aıasynda óńirdiń odan ári qar­qyn­­­dy damýyna ıgi yqpal ete­tindigi sózsiz. Aldaǵy ýaqytta is júzine asyrylatyn birinshi kezektegi áleýmettik jobalardy Batys Qazaqstan oblysynyń ákimdigi usy­nady. “QazMunaıGaz”, QPO kompa­nııa­lary jáne ákimdik ókilderi bekit­kennen keıin bul jobalardy is júzine asy­ratyn merdigerlerge tender jarııala­nady. Búgingi kúnge deıin osyndaı jo­bamen júzege asyrylatyn nysandardy sa­lýǵa jergilikti qurylys uıymdary tar­ty­lyp keledi. Bul óz kezeginde batys­qa­zaq­standyqtar úshin jańa jumys oryndaryn ashýǵa múmkindik beredi. Qurylys ju­mys­tarynyń sapaly ári ýaqytynda júr­gi­zilýine QPO-nyń áleýmettik jobalar jónindegi bólimi baqylaý jasaıdy. Sonymen birge bul bólim eńbekti qorǵaý, tehnıkalyq qaýipsiz­dikti saqtaý jáne qorshaǵan ortany qorǵaý máselelerine aıryqsha mańyz beredi. “Qarashyǵanaq Petrolıým Opereıtıng B.V” kompanııasy birneshe kompanııa­lar­dan quralǵan birikken kásiporyn bolyp tabylady. Bul rette onyń quramynda “Bı Djı Grýpp” kompanııasynyń 32,5 paıyz, “Enı” – 32,5, “Shevron” 20 jáne “LÝ­KOIL” kompanııasynyń 15 paıyz úlesi bar. QPO álemdegi munaı-gaz konden­satynyń eń iri kenishi bolyp tabylatyn Qarashyǵanaq ken ornynda óndirý jáne damytý jumysymen aınalysady. QPO kompanııasynyń oblystaǵy já­ne respýblıkamyzdaǵy áleýmettik ın­fra­qurylymdy damytýǵa qosqan úlesi únemi joǵary baǵa alyp keledi. 2006 jyly QPO kompanııasy “Zolotoı Prometeı” syı­ly­ǵymen marapattalsa, 2008 jyly áleý­mettik jobalardy júzege asyrýdaǵy zor jetistikteri úshin “Paryz” syılyǵymen marapattaldy. Kompanııa aldaǵy ýaqytta da osy izgi maqsat jolyndaǵy týra joly­nan taımaq emes. Jylqybaı JAǴYPARULY.