«Minezdi meshinniń meıirimi de az emes»

– deıdi kóripkel Aısulý Jaqanova Qostanaılyq kóripkel, parapsıholog, emshi Aısulý JAQANOVA el gazeti «Egemen Qazaqstannyń» tilshi qosynyna kelip, esik qaǵyp turǵan meshin jylyna boljam aıtqan edi. Erekshe qasıet qonǵan jannyń tuspaly men tilegin elge jetkizgendi jón kórdik. – Aısulý Qurmambekqyzy, ár jyl kelgen saıyn bir kemeniń ústindegi jolaýshy ekenimizdi búkil jer júzi sezinetindeı. Jyl qalaı bolmaq? – 2016 jyl búkil dúnıejúzine qolaıly bola qalady dep aıtpaımyn. Al óz elimiz úshin aıtsam, ádette, «myń ólip, myń tirilgen» halqymyzda «meshin jyly – aýyr jyl» degen túsinik qalyptasqan. Tarıhta «tas meshin» degen jut jyl­dary da bolǵan ǵoı. Qazir, árıne, ýaqyttyń basqa eke­nin eske­rýimiz kerek. Meshin­­niń shym­­­shyma minezderi bolsa da, elimiz úshin jyldan jaqsy­lyq­tar kórip turmyn. Qazir daǵ­darys týraly kóp aıtylsa da, el eko­nomıkasynyń alǵa bas­qan­dyǵyn baıqaıtyn bolamyz. Adamdarda bir serpilis paıda bolady, jumys oryndary qys­qarǵanymen, ashylatyn kásiporyndar da az bolmaıdy. 2016 jyly talaby barlar bıznes ashqany jón, olar úshin qolaıly jyl. Al bas qosamyn, nekege turamyn degen jastar, jalpy kisiler úshin asa sátti bolady dep aıtpaımyn. Jalpy, elimiz úshin aldaǵy jyly jamandyq kórip turǵan joqpyn. Tek aqpan aıynda Asta­na – Pavlodar tas jolynda tótenshe jaǵdaı qalyptasady, kóp kólik, zardap shekken adamdar bolady. Qańtarda jańbyr jaýady, kólik apattary oryn alady. – Meshin jyly egin qalaı bolady? – Mol, bitik egin shyǵady. О́t­ken jyly da egin jaqsy shyq­qanymen, astyqtyń sapasy, qa­myrlylyǵy asa joǵary bol­maǵany belgili. Keler jyly astyqtyń kólemi de, sapasy da dıqannyń oıynan shyǵar. Qostanaı oblysy aldaǵy úsh jyl boıy mol astyq jınaıtynyn kórip otyrmyn. – Jurtshylyq daǵdarys týraly aıtqanyńyzdy bilgisi keledi. – Bizdiń el úshin daǵdarys úsh jyldaı ýaqytqa sozylady, biraq úsh jyldan keıin ekonomıka, basqa salalar óte jaqsy damıdy. Men osy saýalyńyzǵa kóripkeldikpen qatar, parapsıholog maman retinde bir tilek aıtqym keledi. Daǵdarystan adamdar qoryqpaýy tıis. Jumystan qysqartylǵan jastarda, jas otbasylarda úreı bolmaýy tıis. Qazaq «qoly qımyldaǵannyń aýzy qımyldaıdy» demeı me? Ýaqytqa ilesý kerek, eńbek bárinen de qutqarady. – Teńgemizdiń hali neshik bolar eken? – Teńge 2017 jyly qadamyn nyqtaı bastaıdy. Teńge baǵamy quldyraýynyń barar jeri 380 bolady. Sosyn toqtaıdy. Qazaq­­stannyń óz bankteri jaqsy ju­mys isteıdi. – Aısulý Qurmambekqyzy, Meshin jylynda tabıǵı apattar oryn almaı ma? – «Almatyda zilzala bolmaı ma?» dep suraǵyńyz keldi me? Almaty zilzaladan aman bolady. Al jalpy tabıǵı apattarǵa kelsek, kóktemde mal shyǵyny oryn alady. Qaraǵandy oblysy tóńireginde qarǵyn sý taǵy da jurttyń mazasyn alady. Mundaı kórinisti Batys Qazaqstannan da kórip turmyn. Aqpan bıyl qatty aıazymen este qalady, al qańtar aıynda jańbyr jaýatynyn aıttym. Qarly jańbyr. – Mal shyǵyny týraly aıt­qanyńyz kıikti eske salyp tur. – Meshin jyly kıik qyryl­maıdy. О́tip bara jatqan jyly kıiktiń qyrylý sebebin men shóp­ten kórip turmyn. Ýly shóp, oǵan kıik­tiń baýyry shydamady. Álgi shóptiń qalaı atalatynyn bil­meımin, ol shóp tabıǵı shyqp­a­ǵan, jergilikti shóp emes, syrttan ákelingen, ony sepken dep bilemin. Sózimniń sońynda Alla qyr­daǵy kıikti te, qoradaǵy maldy da, ottyń basyn da, elimizdi de aman qylsyn dep tileımin. Jer-ana jemisin bersin, Aspan nuryn tóksin, Kúnnen jylý, Juldyzdardan baq-bereke, Aıdan amandyq, tynyshtyq suraıyq! Áńgimelesken Názıra JÁRIMBETOVA «Egemen Qazaqstan». QOSTANAI.