Demalamyn deseń dúkenge kel

Taraz qalasyndaǵy burynǵy «Kerýen saraı» bazarynyń ornynan «Mega» ortalyǵy boı kóterýde. Bul elimizdegi eń iri ortalyqtyń biri bolmaq. Bes qabatty «Mega» saýda-oıyn-saýyq ortalyǵy 2016 jyly paı­dalanýǵa beriledi. Qazir qury­lys basynda 60 jumysshy ónimdi eń­bek etip jatyr. Ortalyq óz jumy­syn bastaǵan kezde budan da kóp jandarǵa dál osy jerden jumys tabylatyny anyq. Saýda-oıyn-saýyq ortalyǵynyń birin­shi qabatynda ádettegideı kerek-jaraqtar satylatyn sýpermarket bolady dep josparlanýda. Al, ekinshi qabatta ártúrli tehnıkalyq qural-jabdyqtar dúkenderi ornalasady. Sondaı-aq, úshinshi-tórtinshi qabatta shetelden ákelingen brendtik kıim-keshekter saýdalansa, besinshi qabatta shaǵyn úsh kınoteatr, balalardyń oıyn alańshalary jáne de shaǵyn kafeler bolady. Osyndaı iri ortalyq qury­ly­synyń qolǵa alynýy – bul ýaqyt talaby dep aıtýǵa bolady. Bul nysannyń qasynan «Ejelgi Taraz» tarıhı-mádenı ortalyǵy oryn tepken. Iаǵnı, bul aýmaqtaǵy arheologııalyq saıabaq, ashyq aspan astyndaǵy murajaı, Sholý munarasy, Dostyq úıi, Myńbulaq qurylymdary óz aldyna ádemi bir keshen bolyp, eldiń naǵyz demalys aımaǵyna aınalary sózsiz. Oralhan DÁÝIT, «Egemen Qazaqstan». Jambyl oblysy. Sýretti túsirgen Aqádil RYSMAHAN.