Poshtashylar qýanyshy

«Qazposhta» AQ SQOF qara­maǵynda jumys isteıtin 13 aýdan­dyq poshta baılanysy toraby, 88 aýyl­dyq, 14 qalalyq baılanys bólimsheleri, 17 jyljymaly top, 27 poshta pýnktteri 700-ge jýyq eldi meken turǵyndaryna qyzmet kórsetedi. Sońǵy jyldary jańa tehnologııalardy engizýdiń arqasynda 127 óndiristik obektiler avtomattandyrylyp, poshta, qarjylyq, agenttik qyzmet kórsetý túrleri artty. 2002 jyldan beri fılıaldyń tabysy 10 ese, ortasha jalaqy 5 ese molaıǵan. Jańa jyl qarsańynda óńirdiń ­poshta qyzmetkerleri úlken qýanyshqa bólendi. Aımaq basshysy Erik Sultanov jergilikti bólimshelerge 14 qyzmettik avto­kóliktiń kiltterin saltanat­ty jaǵ­daıda tabys etip, olardyń halyqqa qyzmet kórsetý salasyndaǵy eńbekterin joǵary baǵalady. Elbasynyń qoldaýymen «Samu­ryq-Qazyna» ulttyq ál-aýqat qory dırektorlarynyń keńesi Trans­formasııalaý baǵdarlamasyn 2014 jyl­dan júzege asyryp keledi. Ozyq jo­ba sheńberinde fılıalda merzimdi baspasóz quraldaryn avtomatty jelimen suryptaý, baılanys qyzmetkerlerin smartfondarmen jaraqtandyrý, býdandy elektrondy poshtanyń, postamattardyń ózindik júıesin qurý, SMS tehnologııalaryn qoldaný, kedergisiz qyzmet kórsetýdi engizý sekildi kóptegen sharalar úlken qoldaý tapty. 2015 jylǵy IV toqsannan beri poshta baılanysy bólimshesi arqyly temirjol bıletteri satylady. Fılıalǵa bólingen 5 «Nıva», 5 «ÝAZ», 2 «IVECO», 2 «GAZel» avtokólikteri birinshi kezekte alystaǵy Aıyrtaý, Aqjar, Maǵjan Jumabaev, Shal aqyn aýdandyq baılanys bólimshelerine, oblystyq arnaıy baılanys qyzmetine, avtokólik ýchaskesine tabys etildi. Poshta elimizdiń áleýmettik ómirinde eń ózekti qatynas quraly sanalady. Onyń turǵyndardy hat-habarmen, merzimdi baspasózben turaqty túrde qamtamasyz etýdegi mańyzy ólsheýsiz ekeni aıtpasa da túsinikti. Erik Hamzauly poshta baı­la­nysynyń ardageri Tilek Ábdi­rahmanovty 80 jasqa tolý mereı­toıymen quttyqtap, qurmet gramotasyn, Mamlıýt aýdanyndaǵy Voskresenovka aýyldyq poshta bólimshesiniń basshysy Svetlana Týlınovaǵa – Investısııalar jáne damý mınıstrliginiń «Úzdik baılanysshy» tósbelgisin, Esil aýdandyq poshta bólimshesiniń aǵa ınspektory Nadejda Ionovaǵa «Qazposhta» AQ-tyń qurmet gramotasyn tabystady. Oblystyq fılıaldyń dırek­tory Erik Nuraqaev poshta sala­synyń damýyna erekshe kóńil bólip otyrǵan, sońǵy eki jylda mashına parki 40 tehnıka birligimen tolyqqanyn jetkizdi. Saltanatty sharadan keıin E.Sultanov operasııa zalyndaǵy postamattyń jumysymen tanys­ty. Osyndaı postamattar saýda úılerinde de jumys isteıdi. О́mir ESQALI, «Egemen Qazaqstan». Soltústik Qazaqstan oblysy. Sýretti túsirgen Amangeldi BEKMURATOV.