Jylymyz jemisti, kúnimiz shýaqty bolǵaı

Elimiz egemendik alǵannan beri memleketimiz áleýmettik-ekonomıkalyq damý turǵysynan TMD elderi ishinde kóshbasshy bolyp keledi. Osy kezeńde qyrýar sharýa jasalǵanyn da kózimiz kórip otyr. Muny, árıne, Elbasy Nursultan Nazarbaevtyń birinshi kezekte otandyq ekonomıkany ártaraptandyrý, halyqtyń ál-aýqatyn kóterý saıasatymen baılanystyrý oryndy. Táýelsiz memleket atanǵanymyzǵa shı­­­­­rek ǵasyrǵa jýyq ýaqyt bolǵanyna qaramastan, bizdiń Qazaqstandy ekonomıkalyq, ınvestısııalyq ahýaly turaqty el retinde tórtkil dúnıe tanydy. Aldymyzǵa taıaý jyldarda álemde damyǵan otyz eldiń qataryna enýge maqsat qoıyp otyrmyz. Jyl saıyn ulttyq eko­nomıkanyń ár salasy qarqyndy damýda. Elimizde básekege qabiletti sapaly ónimder molynan óndirilýde. Elbasy N.Nazarbaev: «Qazaqstan jańa jahandyq naqty ahýalda: ósim, reformalar, damý» atty Qazaqstan halqyna Joldaýynda búgingi qalyptasyp otyrǵan qıyndyqtan shyǵýdyń joldaryn anyqtap berdi, daǵdarysty eńserýdiń múmkindikterin atap kórsetti. Munyń ózi el erteńiniń budan da tabysty bolatynyna sendire túsedi. Álemdik ekonomıkada óz­gerister bolyp turatyny qashannan belgili. Biz ózge eldermen ekonomıkalyq baılanysta bolǵannan soń ony sezinetinimiz de shyndyq. Degenmen, biz osyndaı daǵdarystar men kúrdeli kezeńderdi eńserip kelemiz. Bizdiń seriktestik aýyl sharýashylyǵy ydyrap, tarap jatqanda da eshqandaı ábigershilikke boı aldyrmaı, týra baǵytyn anyqtaǵan-dy. Buǵan sharýashylyqtyń salany qaıta qurýdyń barlyq ótke­lekterinen sátti ótip, naryq­tyq qatynastarǵa toǵy tarqamaı túsýi de yqpal etkeni sózsiz. Jalpy, seriktestik egin al­qabynda bıdaıdyń qatty sort­taryn ósirýge basymdyq berip keledi. Ol bıdaıdyń jumsaq sortyna qaraǵanda naryqta joǵary suranysqa ıe. Osynshama astyqty óńdeý qajet bolǵanda Chehııanyń «Prokop» dıirmen keshenine tańdaý tústi. Dıirmen kesheni táýligine 50 tonna un tartady. Astyqty undaı ótkizý óz qaıtarymyn berdi. Paıdanyń kózi óńdelgen ónimde ekenin túsindik. Sharýashylyqta makaron sehyn, Badamshada táýliktik qýaty 3 tonna naýbaıhanany iske qostyq. Aqtóbe qalasynda nan-bólke shyǵaratyn joǵary tehnologııaly «Atameken» nan zaýyty paıdalanýǵa berildi. Oǵan ıtalııalyq qondyrǵy orna­tylǵan, bári avtomatty júıemen basqarylady. Jylyna 17 myń tonna ónim óndiretin «Atamekenniń» nan-bólke buıymdaryna suranys joǵary ári ózgelerge qaraǵanda arzan. О́z kezeginde aýdan ortalyǵyndaǵy naýbaıhana men Aqtóbe qalasyndaǵy nan zaýyty nan baǵasyn turaqtan­dyrý­ǵa eleýli úles qosýda. Qazaqstan yntymaǵy men birliginiń arqasynda úlken belesterdi alyp keledi, Dú­nıe­júzilik saýda uıymyna kirgenimizdiń ózi ekonomıkalyq tuǵyrymyzdy bekite túsedi. Bizdiń sharýashylyq Reseıdiń kórshiles óńirlerimen tyǵyz baılanysta. Biz eńbekkerlerimizge eńbekaqysyn ýaqytynda be­rip, áleýmettik qoldaýdy jal­ǵastyryp kelemiz. Búgingi qıynshylyqtar da ótpeli dep oılaımyn. Biz osyndaı qıyndyqtar arqyly shynyǵyp, shıryǵyp ósýimiz kerek. Atar tańǵa aıtar aq tilegim – aldymen táýelsiz Qazaq­stanymyzdyń abyroıy arta tússin, «Qoı ústine boztorǵaı jumyrtqalaǵan» dep babalarymyz aıtqandaı, elimizdegi yntymaq pen birliktiń býyny bekı bersin! Halqymyzdyń bolashaǵy jarqyn bolsyn! Alǵa qoıǵan asqaraly maq­sattarymyzǵa qol jetkizeıik, táýelsizdigimizdi tuǵyrly etý jolyndaǵy qadamdarymyz sátti bolsyn! Elimiz aman, jurtymyz tynysh, aspanymyz ashyq, is-qımylymyz shalymdy, tabysymyz tolymdy, baq-berekemiz mol bolǵaı! Amanǵos TО́LEÝOV, «Stepnoe» JShS dırektory. Aqtóbe oblysy, Qarǵaly aýdany.