Daǵystannyń halyq aqyny Fazý Alıeva qaıtys boldy

ASTANA. 1 qańtar. Daǵystannyń halyq aqyny Fazý Alıeva jańa jyldyń birinshi kúni 83 jasynda qaıtys boldy. Bul týraly respýblıka basshysy ákimshiligi men úkimettiń ókili málimetine silteme jasaǵan TASS aqpary boıynsha egemen.kz tilshisi habarlady. «Fazý Gamzatovna Alıeva 1 qańtarǵa qaraǵan túni qaıtys boldy. О́tken jylǵy 5 jeltoqsan kúni ol 83-ke toldy», - dedi málimet berýshi agenttikke. Respýblıka basshysy Ramazan Abdýlatıpov aqynnyń qaıtys bolýyna baılanysty onyń týǵan-týystary men jaqyndaryna, sondaı-aq barsha Daǵystan halqyna kóńil aıtty. «Kóptegen adamdar onyń tvorchestvosy arqyly bizdiń mádenıetimizben tanysty... Fazý Alıeva – álemniń 68 tiline aýdarylǵan 80 kitaptyń avtory. Ol bitimgershilik, patrıottyq jáne ulttyq tárbıe, ana problemasy máselelerimen aınalasyp, qoǵamdyq ómirge belsene aralasty... Daǵystan búgin ony aza tutady», - dep jazdy Abdýlatıpov óziniń Instagram-daǵy paraqshasynda. Fazý Alıeva Daǵystannyń Hýnzah aýdanyndaǵy Gınıchýtl aýylynda týǵan. Ol óleńderin óziniń ana tili – avar tilimen qatar, orys tilinde de jazdy. Dastan Kenjalın. Derek, foto: TASS.