Marfýǵa AITHOJINA, Memlekettik syılyqtyń laýreaty.
Qosh keldiń,
Jańa jylym, tórlet qane,
Turǵanda qazaǵymnyń órlep baǵy!
Dúnıeni jańalyqpen dúr silkindir,
Júrekti óleń-jyrmen terbep taǵy.
Jańa Jyl!
Jarqyn júzdi kelseń kúlip,
Atymdy álem bilgen, eńsem bıik!
Alataý tebirendi qýanyshtan –
Shyńdaryn qaraǵaıly teńseldirip.
Batyrlar atqa qonyp atoılady,
Qolyna aldaspan men semserdi ilip!
Ǵasyrlar osy kúndi talyp kútken,
Qarsy aldy qýanyshpen halyq bitken.
Álemdi qushaǵyna syıǵyzyp tur
Qazaǵym qandaı ǵajap, alyp tipten.
Arqasyn Elbasy tur elge súıep,
Jartasty qaraǵaıdaı jaryp bitken!..
Kórsetip Alash uly asqaqtyǵyn,
Janaryn dushpanymnyń jasqap turmyn.
Jurtyna tórtkúl dúnıe úlgi bolyp
Keledi,
Erim, elin bastap búgin.
Jyl boldy tym erekshe – Jańa jylym,
Asyrǵan parasat pen danalyǵyn.
Kóterdi kók týyndaı, kók aspanǵa,
О́ziniń týǵan eli sanaly ulyn.
Oryny daralandy kóne jyldyń,
Tańǵaltyp dúnıeni keledi úlgim.
Aıtýda bir aýyzdan álem jurty,
Elbasynyń tapqyrlyq, tóreligin.
Qosh keldiń, Jańa jylym, tórlet qane,
Turǵanda Er qazaqtyń órlep baǵy.
Dúnıeni jańalyqpen dúr silkindir,
Júrekti óleń-jyrmen terbep taǵy.
Shash, qane, shashýyńdy...
Aspannan aıqysh-uıqysh qar qylaýlap, Ottary jańa jyldyń jandy laýlap. Altaıy úmit túlki qyrǵa tartty, Alańsyz aqsha qarǵa aldy da aýnap. Ulyqtap ulys kúnin munsha kútken, Qarsy alyp halqym jatyr jyr-shabytpen. Oqalap omyraýyna juldyz qadap, Jarqyrap shyǵa keldi shyrsha bitken! Jaıǵasty jańa jylym taqqa baryp, Bul kúni bala da máz, qart ta qaryq. Jastar júr shyrsha aınalyp, shyrqaı túsip, Jyrlaryn jańa jyldyń jattap alyp. Aptyqpaı, keń adymdap alyp dalam, Bolǵansha búgip syryn, tanyp ǵalam. Keledi kúmis kúnin kókke órletip, Qyrannyń qanatymen qalyqtaǵan. Halyqpyz qazaq degen jaıma shýaq, Kórmeppiz qýlyq jemdep, aıla asyrap. Toqshylyq tóńkerilip tas tóbemde, Yǵymda yrys jatyr jaıǵasyp ap. О́zińe ashty, mine, elim esik, Tompıyp tynyshtyq bop, tórime shyq! Jadyrap mınýt saıyn mańaıymyz, Kórkeısin kelbetińe kóńil ósip. Sarǵaıa kútken edi saıyn dalam, Shash, qane, shashýyńdy daıyndaǵan! Allanyń rahymynan úmit úzbeı, Kóreıik kúnińdi esen, aıyńdy aman. Keldiń be? Tasytyp kel til mereıin, Qyzyǵyn qazynamnyń bir kóreıin. Tórime oz, tosyrqamaı, tóredeı bop, Keıkımeı, kibirtiktep kirmedeıin. Temirshe SARYBAIULY.
