Elbasymen birgemiz!

Qazaqstandyqtar N.Nazarbaevtyń prezıdenttik ókilettigin uzartýdy qoldaıdy KEMEL ELDIŃ KEPILI Tarıhqa kóz júgirtip qarasańyz ár eldiń týý, ósý, qalyptasý ke­zeńinde ár qıly súrleý-soqpaqtan ótip kelgendigi, onyń ózi kóp jaǵdaıda qaıtalanbas, dara jol ekendigi belgili. Mine, sol ómirge jańa qadam basqan derbes mem­le­kettiń alǵashqy jyldarynda sondaı ahýalǵa qol jetkizýi tikeleı el basshysynyń tulǵalyq qasıette­rine kelip tireletindigi ortaq zań­dylyq ekendigine eshkim talasa qoımas. Endeshe búginde kóp pikir tý­yndatyp otyrǵan elimizdegi Tuń­ǵysh Prezıdenttiń ókilettigin uz­ar­tý máselesin jalpyhalyqtyq re­ferendýmda sheshý jónindegi usy­­nystar tóńireginde sóz qozǵaǵanda, eń aldymen másele nege bulaı qoıylyp otyrǵanyn myqtap turyp oılaǵan jón. Másele áıteýir merzimi kelgende saılaý nemese ony kútpesten referendým ótkizý týra­synda emes, kim jóninde bolyp otyrǵanyn erekshe este ustaý kereginde bolyp tur. Endeshe, jańa tarıhymyz ben jas memleketimizdiń bastaýynda turyp, onyń saıası-ekonomıkalyq, rýhanı-áleýmettik qalyptasýyna aıryqsha úlesin qosqan, sóıtip az ýaqyttyń ishinde ony álemdik dá­rejege kótere bilgen jáne aldaǵy jyldarǵa da onyń qaryshty da­mýyna aıqyn jospar usynyp, onyń iske asýyn berik qolda ustap otyrǵan Tuńǵysh Prezıdentimizge senim artyp, referendým arqyly ókilettigin uzartý týraly usynys­tyń, keıbir keraýyzdar baıbalam salyp jatqanyndaı, demokra­tııa­lyq talaptarǵa eshqandaı da ke­re­ǵarlyǵy joq. Másele keıbireýler aıta basta­ǵandaı saılaý ótkizýden qash­qaq­taý­da emes, ýaqyt, qarjy, qýat únem­deı otyryp, múmkindikterdi utym­dy paıdalana bilýde bolyp otyr. Muny qoldan shyǵaryp almaýymyz kerek. О́z basym sońǵy shırek ǵa­syrdaı ýaqyt boıynda saıasattanýmen aınalysyp kelemin. 2010 jyl­dyń ózinde ǵana 100-den asa ártúrli kezdesýlerge qatystym. Stýdent jastar, zııaly qaýym, úkimettik emes uıymdar ókilderi, ardager­lerdiń alýan pikirlerin tyńdadym. Mine, sol kezdesýlerde dál osyn­daı referendým ótkizý týraly oılar kóp aıtylatyn. Demek, mundaı shara ótkizý halyqtyń tilegine tolyǵymen saı keledi dep oılaımyn. Referendým ótkizý demokratııa­nyń eýropalyq standartyna saı kele bermeıdi degen pikirler de barshylyq. Biraq, sol batysy­ńyz­dyń zańdarynda mundaı másele týrasynda referendým ótkizýge tıym salǵan baptar da joq qoı. Onyń ústine mundaı mańyzdy má­sele ár eldiń óziniń ishki saıası isi emes pe? Bizder sol batystaǵy Uly­brıtanııa, Ispanııa, Shvesııa, Norvegııa, Danııa sııaqty ejelden parlamentarızmdi, demokratııany tý ǵyp kóterip kele jatqan elderge sizderde nege osy kúnge deıin monarhııalyq, ıaǵnı feodaldyq bılik ınstıtýty saqtalyp keledi, ol demokratııalyq úrdiske saı emes qoı deýimizge tolyq qaqymyz bolsa da olaı demeımiz. О́ıtkeni, bul másele olardyń ishki jumysy. Sebebi koroldik ınstıtýt olarda ulttyń, memlekettiń sımvoly retinde dáripteledi. Premer-mınıstrler, spıkerler, joǵarǵy sottar basshylary sol korolderine baryp, ejelgideı ıilip taǵzym etip, esep berip tu­rady. Olar ony namys kórmeıdi. Sebebi, olar úshin korol sol mem­lekettiń sımvoly. Dálirek aıtqan­da, naqty koroldiń ózine emes, koroldik laýazymǵa bas ıedi. Al N.Nazarbaev bolsa Táýelsiz Qazaqstandy óz qolymen túletip, baptap, qalyptastyrǵan qaıratker. Sondyqtan da ony dál qazir bılik etip otyrǵan, halyq saılaǵan Prezıdent dep qana emes, elimizdiń kósemi, ultymyzdyń lıderi dep ta­nımyz, moıyndaımyz. Búginde ony búkil Túrki jurty óz kóshbasshy­myz dep moıyndap, esimin máńgi qal­­dyrarlyq sharalar jasap jatyr. «О́z elinde paıǵambar bolmas» degendeı, árıne, ol kisini synaý­shy­lar da barshylyq. О́ıtkeni bizde sóz erkindigi bar. Sondyqtan demo­kratııalyq elge ondaı kórinister de tán ekendigin esten shyǵarýǵa bolmas. Oǵan jaýapty keshegi ótken EQYU Sammıtine jınalǵan shetel basshylary men ókilderi Elbasy­myz týraly aıtqan qurmetke toly sózderi arqyly berdi ǵoı dep oılaımyn. Men 1991, 1999, 2006 jylǵy Prezıdent saılaýlary naýqanynda N.Nazarbaevtyń oblystaǵy senimdi ókiliniń mindetin atqara júrip te qalyń buqaranyń ol kisige degen kirshiksiz senimi men qurmetine, keleshegimizdiń ol kisimen tikeleı baılanysta bola berýin qalaıty­ny­na talaı kózim jetken-di. Son­dyqtan bul joly da Elbasynyń ókilettigin 2020 jylǵa deıin uzar­tý jónindegi referendým ıdeıasy durys kóterilip otyr, endi ony oıdaǵy­daı ótkizý ǵana qalyp otyr dep sanaımyn. Álmuqan ISAQ, Jambyl oblysynyń qurmetti azamaty, saıasattanýshy. Jambyl oblysy. * * * BOLAShAQQA – TEK QANA NAZARBAEVPEN BIRGE О́skemende ótken bastamashy top kótergen bastamany barlyq ja­ǵy­nan alǵanda sátti jasalǵan, zańdy qadam dep esepteımin. О́ıt­keni, biz­diń álemdik qaýym­dastyq tanyp otyr­ǵan jas, turaqty damý ús­tin­degi táýelsiz memlekette ómir sú­rip jatqanymyz, eń aldymen, Pre­zı­­dentimizdiń arqasy, syndar­ly saıa­­saty ekeni daýsyz. Bir sát bolsa da oısha 90-shy jyldardyń basyna oralaıyqshy. Bul respýblıkamyzdyń tarıhyn­da­ǵy aýyr kezeń boldy. KSRO taraǵannan keıin Qazaqstan taǵ­dyr talqysynda qaldy. Quldy­ra­ǵan ekonomıka, búlingen ınfra­qu­rylym, úzilgen ıntegrasııalyq baı­lanystar, jappaı jumyssyz­dyq – burynǵy ımperııadan mu­raǵa qalǵan osylar ǵana bolatyn. Osyndaı qıyn jaǵdaıda optımıs­terdiń ózderi de elimiz ǵaıyptyń kúshimen bul tyǵyryqtan shyǵady degenge sene qoımaǵan bolar. Bi­raq ǵajaıyptar bola beredi eken, ony jasaǵan Tuńǵysh Prezıdentimiz Nursultan Nazarbaev. Elbasymyz ol kezde eń bas­tysy elimizdi burynǵy odaqtas respýblıkalarda oryn alyp jat­qan alaýyzdyqtar men qandy qaq­tyǵystarǵa tartýǵa jol bermeý, beıbitshilik pen ultaralyq kelisimdi saqtap qalý ekendigin jaqsy túsindi. О́ziniń danalyǵynyń, aq­yl-parasaty men ultynyń, eliniń erteńine degen jaýapkershilik se­ziminiń arqasynda ol elimizdi mundaı qıynshylyqqa uryn­dyr­maı, aman alyp shyqty. Qanshama uıqysyz túnder, qarbalas kúnder ótkenine tarıh kýá. Nursultan Ábishuly tarıhı ól­shem turǵysynan alyp qara­ǵanda qysqa merzim ishinde keremetteı qı­yndyqtardy jeńe oty­ryp, hal­qy­men birge táýelsiz memleket qur­dy. Elbasymyzdyń arqa­synda Qa­zaqstan óz damýynda úl­ken jetistikterge qol jetkizip, ál­emdik qaý­ymdastyqta laıyqty or­ynǵa ıe boldy. Elbasynyń, onyń álemdegi joǵary bedeliniń arqa­synda Qazaq­stan óz tarıhynda tuńǵysh ret EQYU tóraǵasy bol­dy jáne osy­naý bedeldi uıymnyń sammıtin ótkizdi. Osyndaı baǵa jetkisiz eńbek si­ńirgen Nursultan Ábishuly tá­ji­­rıbeli kapıtan tárizdi óziniń kemesin jarqyn maqsatqa – beıbitshilikke, turaqtylyq pen ór­ken­­deýge qaraı bastaı berýi tıis dep esepteımin. Halyq óziniń Prezıdentin ba­ǵa­laıdy jáne oǵan dáıim qoldaý kór­setedi. Sodan keıin de Elbasy laýa­zymynda kórgisi keledi. So­nymen birge onyń basshylyǵymen jasal­ǵan «Qazaqstan-2030» Stra­tegııalyq baǵdarlamasy jáne bas­qa da baǵdar­lamalar bar emes pe? Olardyń bar­lyǵy respýblıkanyń kezeń-kezeńi­men damýyna, qazaq­stan­­dyqtardyń ómir súrý deńgeıin kóterýge baǵyt­talǵan. Sondyqtan Nursultan Áb­ish­ulynyń ózi bul baǵdarlamalardy aıaǵyna deıin jet­kizýi kerek. Árıne, bul úshin ýa­qyt kerek ekendigi belgili. Sodan keıin de eń qısyndy jáne du­rys qadam orasan mol qarajat pen kúsh-jiger jumsap, saılaý ót­kiz­beı-aq refe­ren­dým uıymdas­ty­ryp, Prezıdentimiz Nursultan Na­zarbaevtyń óki­let­tigin 2020 jylǵa deıin uzartý dep bilemin. Munyń ózi búkil halyqtyń, memle­ke­ti­mizdiń múddesine saı keletin ma­ńyzdy is bolatyny daýsyz. Atsalım IDIGOV, Qazaqstan halqy Assambleıasynyń múshesi. Almaty oblysy. * * * ShETEL QAZAQTARY DA QOLDAIDY Qazaqstan Prezıdenti Nursultan Na­zar­baavtyń ókilettigin 2020 jyldyń 6 jel­toq­sanyna deıin uzartý týraly referendým ót­kizý sheteldegi qandastarymyzdyń arasyn­da da úlken qyzyǵýshylyq týǵyzyp otyr. Mu­nyń sebebi túsinikti de. Sheteldegi aǵaı­yndar eli­mizdiń Tuńǵysh Prezıdentin shynaıy jalpy­ulttyq Kóshbasshy retinde baǵalaıdy. Soǵan oraı, olar Qazaqstannyń búgingi qol jetkizgen aıtýly tabystaryn Elbasynyń qaı­ratkerlik eren eńbeginiń nátıjesi dep sanaıdy. Soǵan baılanysty alystaǵy aǵaı­yndar Prezı­den­timizdiń elimizdi ekono­mı­ka­lyq-áleýmettik ja­ǵynan damytý jó­nin­de jú­zege asyryp jatqan is-sharalaryn, ha­lyq­aralyq sahnada júrgizip otyrǵan saıasa­tyn biraýyzdan qoldaıdy. Sondaı-aq, olar Elbasynyń búkil álem aldyndaǵy abyroı-bedelin erekshe maqtan etedi. Olar Táýelsizdik jarııalanyp, El tizginin qolǵa alǵan alǵashqy sátte Prezıdentimizdiń eń aldymen kirisken ıgi sharýalarynyń biri – álemniń ár túkpirinde shashyrap júrgen qan­dastarymyzdyń basyn atajurtqa jınaý bol­ǵandyǵyn óte jaqsy biledi. Bul rette, sonaý 1992 jyly Almaty qalasynda Elbasynyń tikeleı qoldaýymen Álem qazaqtarynyń tuń­ǵysh quryltaıy ótkenin aıta ketken jón. Quryltaıda Elbasy qazaq halqynyń birtutas ult retinde ósip-órkendeýiniń baǵyt-baǵdaryn naqty anyqtap, bul jóninde alda turǵan mańyzdy mindetterdi aıqyn belgilep bergen edi. Bul Quryltaıda Dúnıejúzi qazaqtary qaý­ymdastyǵy qurylyp, onyń  Tóraǵasy bolyp Elbasy saılandy. Qaýymdastyq sodan beri atajurt pen sheteldegi aǵaıyndardyń arasyn baılanystyratyn altyn kópir bolyp keledi. Osy turǵydan kelgende olardyń Elba­synyń ókilettigin jalǵastyrýdy biraýyzdan qoldaı­tyndary anyq. О́ıtkeni, Elbasy tur­ǵan­da sheteldegi aǵaıyndarǵa Qazaqstan tara­py­nan qoldaý men qamqorlyq jasaý eshqashan da úzilmeı, jalǵasa bererine tolyq kepildik bar. Sondaı-aq, oralmandardyń alys-jaqyn shetelderden atajurtqa keletin kóshiniń toqta­ma­ý­yna da bul jaǵdaıdyń jasar yqpaly orasan. Osyǵan oraı, Qaýymdastyq­tyń Qytaı, О́zbekstan, Mońǵolııa, Túrkııa sııaqty birneshe elden kelgen aǵaıyndar bas qosqan májili­sinde Prezıdent ókilettigin 2020 jyldyń 6 jeltoqsanyna deıin uzartýǵa baılanysty jan-jaqty áńgime qozǵady. Sondaı-aq, 25 jeltoqsanda Bishkektegi «Dos­tyq» úıinde Qyrǵyzstan halyq Assam­bleıasyna qarasty Qyrǵyzstan qazaqtary qaý­ymdastyǵynyń kezekti májilisi ótti. Má­ji­liste Qazaqstan Prezıdenti Nursultan Nazar­baev­tyń ókilettigin 2020 jyldyń 6 jeltoq­sanyna deıin uzartý týraly jalpyhalyqtyq referendým ótkizý týraly másele talqy­lan­dy. Bul másele boıynsha pikirin bildirgen­derdiń barlyǵy da egemen Qazaqstan mem­le­ketiniń irgesin qalaýdaǵy Tuńǵysh Prezıdent Nursultan Nazarbaevtyń orasan zor eńbegine erekshe baǵa berdi. Sultanáli BALǴABAEV, Dúnıejúzi qazaqtary qaýymdastyǵy Tóraǵasynyń orynbasary. * * * ShYǴYS JASTARYNYŃ ShYNAIY TILEGI – Shyǵystaǵy bilimniń qara­sha­ńyraǵynda bul kúnderi on myńnan astam jastar on fakýltette bilim alyp jatyr. 2009 jyly atalmysh joǵary oqý ornynda 24 ǵylym kan­dıdattary, jeti ǵylym dok­to­ry dıssertasııasy qorǵaldy. Ýnıversıtet ustazdary men stýdentteri Elbasynyń ókilettigin uzartý jó­nindegi bastamany qyzý qoldaı­dy, – dedi ShQMÝ rektory, fılologııa ǵylymdarynyń dokto­ry, professor Beıbit Mamyraev bir myń­nan astam adam qatysqan jıynda. Beıbit Baımaǵambetulynyń aı­tý­ynsha, elimiz táýelsizdik alǵaly Elbasy N.Nazarbaev atalmysh jo­ǵary oqý ornyna eki ret kelip, pro­fessor-oqytýshylarmen, stý­dent­­termen jolyǵyp, emen-jar­qyn áńgimelesken eken. Aıta ketý kerek, joǵary oqý ornynyń Moń­ǵolııanyń Baıan-О́lgeı qalasynda úlken bir fılıaly jumys istep tur. О́z kezeginde Qytaı, Moń­ǵo­lııa jastary da osynda bilim alyp jatyr. Olarǵa tegin jataqhana berilip, shákirtaqy tólenedi. – Meniń Otanym – Qazaqstan. О́zim Mońǵolııanyń Baıan-О́lgeı­in­de týsam da elge, jerge degen sa­ǵynysh osynda alyp keldi. El­ba­synyń oralmandarǵa degen qam­qor­lyǵyn qalaı umytamyz. Qazir О́skemenniń irgesinde «Nurly kósh» baǵdarlamasy boıynsha tórt mıllıard teńgege ǵalamat qala­shyq boı kóterýde. Bul da El­basynyń ákelik qamqorlyǵy. Endeshe men shetelden kelip bilim al­yp jatqan jastardyń barlyǵyn Elbasynyń ókilettigin uzartý maq­satynda daýys berýge shaqyramyn, – dedi Rashıd Saltanat. Ýnıversıtet professory Marat Maǵzumovtyń baısaldy da maǵynaly sózin kópshilik ynta qoıa tyńdady. «Elbasynyń syndarly saıasaty nátıjesinde Qazaqstan talaı asýlar men belesterden asty. Kúni keshegi EQYU-ǵa jetekshilik etý, Astanada 56 memleket bas­shylarynyń qatysýymen Sammıt ótkizý elimizdiń ataǵyn tórtkúl álemge pash etti. Arqanyń tósinde asqaqtaǵan Astanany kórip, sheteldikter tańqaldy. Munyń ózi qaryshtap alǵa basyp kele jat­qanymyzdyń jemisi», – dedi Marat Túsipjanuly. – Jastarǵa ıntellektýaldy bilim berý jaıly Elbasy únemi jastardyń qulaǵyna quıyp keledi. Bizdiń ýnıversıtette birneshe ulttyń ókilderi qyzmet etedi. Meniń ultym – orys, kúıeýim ózbek. Ulttar dostyǵyn, elimizde beıbitshilik pen yntymaqty da­my­týda Elbasynyń róli erekshe. Endeshe N.Nazarbaevtyń ókilettigin uzartýǵa biraýyzdan daýys berdik. Tek bizdiń ýnıversıtet boıynsha alty myń adamnyń qoldap daýys berýi, sonyń nátıjesi, – dedi óz sózin túıindegen pedagogıka jáne áleýmettik jumystar kafedra­sy­nyń aǵa oqytýshysy Elena Snegıreva. Aǵylshyn tilinde sóılegen Aıjan Ámirenova, V.Nemykına, «Jyl­­dyń úzdik stýdenti» R.Býdýkov, taǵy basqalar da Elbasynyń ókilettigin uzartýdy biraýyzdan qoldady. Ońdasyn ELÝBAI. О́skemen. * * * BIZ ELBASYNA SENEMIZ Osydan on toǵyz jyldan astam ýaqyt buryn Táýelsizdikti táý etip, ejelden erkindik ańsaǵan hal­qymyz ultymyzdyń úmiti, mu­raty anyq, is-qımyly qanyq El­basyn tańdady. Halqymyzdyń tańdaýy qalt ketpegenine kóz jetti. Keshegimiz qa­harmandyqqa, búginimiz jasam­paz­dyqqa, erteńimiz keleshe­gi­miz­diń kemelin keltirer batyl basta­maǵa toly. Tórtkúl dúnıege tany­lyp, tóbedegi keldi. Álem aldynda elimiz – eńseli, halqymyz – qadirli. Ekinshi myńjyldyq barsha qazaqstan­dyq­tardyń dúrkire­gen dáýiri, jarqy­raǵan juldyzy bolyp bastaldy. San ǵasyrlar boıy «Máńgi el» ornatýdy armandaǵan kóne ǵun-túrik bıleýshileri jete almaǵan sán-saltanatqa Nazarbaevtyń «Qa­zaq­standyq joly» arqyly jettik. Bul – buryn-sońdy álemniń birde bir memleketi júrip kórmegen jol. Prezıdentimizdiń bolashaqty qa­pysyz boljaıtyn tabandy saıası baǵyty, jahandyq túı­in­derdi sheshýde tizgindi teń us­taı­­tyn mámileger saıasaty men dana­larǵa saı aqyl-parasaty ná­­tı­je­sinde Qazaqstan álemdik qaýip­siz­diktiń kindigine aınaldy. Elordamyz – Astana tórt mu­hıttyń arasyndaǵy dúnıe júzi saıasatkerleri men mádenıet jáne din qaıratkerleriniń, alpaýyt isker­ler­diń Jeruıyǵy bolyp tanyldy. Búgingi kúni Aqtóbe obly­sy­nyń jurtshylyǵy respýblıkalyq referendýmda Qazaqstan Respýb­lı­ka­synyń Tuńǵysh Prezıdenti – El­basy Nursultan Ábishuly Na­zar­baev­tyń prezıdenttik ókilettigi mer­zimin 2020 jylǵy 6 jeltoq­sanǵa deıin uzartý týraly má­se­leni qyzý talqylaýda. Qazir res­pýb­lıkalyq referendýmǵa qatysý quqyǵy bar aqtóbelikterdiń basym kópshiligi referendým taǵaıyndaý týraly tilekterin bildirip, óz qoldaryn qoıdy. Bizdiń jerlesterimiz Prezı­dent­tiń barlyq bastaýlarynyń ár­daıym qostaýshysy bolady. Biz Qazaqstan halqynyń Elba­sy, shynaıy Ult Kóshbasshysy – Nursultan Ábishuly Nazarbaev dep bilemiz. N.Nazarbaev – Uly Dalanyń uly reformatorlarynyń teńdes­siz rýhanı murageri. Qazaq Elin odan ári gúl­den­diretin de, yrysymyzdy tasytyp nárlendiretin de, abyroıymyzdy asyryp sán beretin de Tuńǵysh Prezıdentimiz – Nursultan Nazarbaev! Sondyqtan barsha qazaq­stan­dyqtardyń tapjylmaıtyn tańda­ýy da, qapysyz qalaýy da – Nur­sultan Nazarbaev! Birlik pen yntymaqty, sabyr­lylyq pen parasattylyqty murat etken halyqtyń júrek qalaýyna saı jalpyhalyqtyq referendým ótkizý týraly sheshim qabylda­na­dy dep senemiz. Bul – ondaǵan, tipti júzdegen jyldardan soń da quryshtaı berik Qazaq Memle­ke­tiniń irgesin bekitken tarıhı sheshim bolyp qala bermek. Qazaqstannyń, Táýelsiz­digimiz­diń taǵdyry Elbasy qolynda. Biz Prezıdentke senemiz! Nazarbaev – bizdiń Elbasymyz, bizdiń Kóshbasshymyz! Nurqaıyr TELEÝOV, Aqtóbe oblysynyń Qazaqstan halqy Assambleıasy Aqsaqaldar keńesiniń tóraǵasy; Keńes BIRMANOV, oblystyq ardagerler keńesiniń tóraǵasy; Eleonora BERDIBAEVA, «Qazaqstan stýdentteri respýblıkalyq alıansi» fılıalynyń tóraıymy; Ásel BО́LEKOVA, «Nur Otan» HDP AOF «Jas Otan» jastar qanatynyń atqarýshy hatshysy; Bazarbaı IMANOV, «Rýhanııat» saıası partııasy oblystyq fılıalynyń tóraǵasy; Balǵalı ORDABAEV, bastamashy top jetekshisi, «Nur Otan» HDP oblystyq fılıalynyń tóraǵasy, oblystyq máslıhat hatshysy, barlyǵy 45 adam qol qoıǵan. * * * 2,5 MILLIONNAN ASTAM QOL JINALDY Shákárim atyn­daǵy Semeı mem­lekettik ýnıver­sı­tetiniń bas ǵı­maratynda atalǵan joǵary oqý or­nynyń rektory, Qa­zaqstan Res­pýb­lıkasynyń Prezıdenti N.Á. Na­­zar­baevtyń prezıdenttik ókilettigin 2020 jylǵa deıin uzartý týraly jalpyha­lyq­tyq referendým ót­ki­zý jónindegi bastamashy toptyń tór­aǵasy Erlan Sydyqov BAQ ókil­derimen kezekti brıfıng ótkizdi. Ol kezdesýde elimiz boıynsha 4 qańtarǵa deıin referendým ótkizý jó­nindegi bastamany qoldap 2,5 mıl­lıonnan astam qol jınal­ǵa­nyn resmı túrde málimdedi. Osy oraıda jı­nalǵan qoldyń durys­ty­ǵy arnaıy túr­de tekserýden ótkizilgenin aıta ket­­kenimiz jón bolar. О́ıtkeni, mu­nyń syrtynda san júzdegen myń qol endi ǵana saraptamadan ótkizilip jatyr. Bastamashy top jetekshisi solaı deı kelip, qazaqstandyqtar qol jınaý barysynda zor belsendilik kór­setip jatqanyn qadap aıt­ty. Mu­nyń ózi barsha otandasta­ry­myzdyń El­basyna degen senimi men qurme­tin kórsetse kerek. Tipti, Jańa jyl­da qatarynan kelgen tórt kún­dik de­ma­lysqa qaramastan qol jınaý or­yn­darynda kezek azaı­mapty. Qol qoıý­shylar ara­synda kári men jas ta, túrli mamandyq ıeleri de barshylyq deıdi top jetekshisi. Ásirese, jastar zor belsendilik ta­ny­týda. Olar sessııa júrip jatqa­nyna qaramastan qol jınaý ornyna aǵylyp kelýde. Al qol jınaý belgilengen tártip boıynsha qańtardyń alǵashqy on­kún­diginiń sońyna deıin júrgizilmek. Ázirshe bul máselede Shyǵys Qa­zaqstan, Almaty, Qara­ǵan­dy oblys­tarynyń turǵyndary erekshe belsendilik tanytyp otyr­ǵan kórinedi. Dáýlet SEISENULY. Semeı. * * * TURAQTYLYQ TIREGI Shejireli Shyǵystan bastaý al­ǵan Tuńǵysh Prezıdentimiz, Elbasy Nursultan Nazarbaevtyń ókiletti­gin 2020 jylǵa deıin uzartý maq­satynda búkilhalyqtyq referendým ótkizý jónindegi bastama qoǵa­mymyzda qyzý talqylanyp, baryn­sha keń qoldaý taýyp otyr. Bul búkilhalyqtyq qozǵalysqa elimizdegi barlyq ulttar men ulystardyń qoǵamdyq uıymdary, ókildikteri ózderiniń ashyq ta shynaıy pikirlerin bildirýde. Sondaı bir júrek­jardy jedelhat redaksııamyzǵa Qazaqstan kúrdteriniń «Barbang» assosıasııasynan kelip tústi. Qazaqstandyq kúrdter Nursul­tan Nazarbaevtyń prezıdenttik óki­lettigin 2020 jyldyń 6 jeltoqsa­nyna deıin uzartý jóninde respýb­lıkalyq referendým ótkizý týraly bastamany zor qanaǵattandyq sezimmen qabyldaı otyryp, barynsha qoldaý kórsetedi, delingen jedelhatta. Biz ózimizdiń Prezıdentimizdi sheksiz maqtan tutamyz jáne oǵan tolyq senim artamyz. Elbasy­myz­dyń bilgir basshylyǵy men sara saıasatynyń arqasynda Qazaqstan búginde tek Ortalyq Azııa memle­ketteriniń ishinde ǵana emes, búkil Dostastyq elderi keńistiginde oq boıy alǵa shyqqan kóshbasshy memleketke aınaldy. Qazir Qazaqstan­nyń beıbitshiliksúıgish bastama­laryn, onyń balamasyz basshysy­nyń jahandyq múddelerdi kózdeı­tin salıqaly oılaryn búkil álem moıyndaıdy. Tuńǵysh Prezıdentimiz, Elbasy Nursultan Nazarbaev tarıhta teń­desi joq «Qazaqstan-2030» Strate­gııa­lyq baǵdarlamasyn ómirge áke­lip, oıdaǵydaı júzege asyrýda. Qa­zaqstan álemdik qarjy-ekonomı­kalyq daǵdarysynan qınalmaı shy­ǵyp, údemeli ındýstrııalyq-ınno­va­sııalyq besjyldyqtar belesin bas­tady. Qazirdiń ózinde elimiz bola­shaq ındýstrııalyq derjava ne­gi­zi­niń tuǵyryn jasap úlgerdi. HHI ǵasyrdyń ǵajaıyby atanǵan arý As­tana kúnnen-kúnge gúldenip, ǵa­rysh­ty qadammen damyp keledi. Mine, osy teńdessiz qubylystar men bastamalardyń biregeı basta­ma­shy­sy da Elbasy Nursultan Nazarbaev. Biz jarqyn da jasampaz Ota­nymyz – Qazaqstannyń baıandy bo­lashaǵynyń Nursultan Na­zarbaev­pen birtutas ekendigine sheksiz senimdimiz. Sondyqtan, biz qazaqstan­dyq kúrdter elimizdiń ále­ýetti da­mýy úshin, qasıetti qazaq jerinde beıbitshilik pen turaqtylyqtyń odan ári saltanat qurýy úshin, bola­shaq urpaqtyń baıandy baqyty úshin referendým týraly bastamany ba­rynsha qoldaımyz jáne biraýyzdan daýys beremiz. «Egemen-aqparat».