Rýhanı jańǵyrýdyń joly jarqyn

«Birlik» saıası partııasy keshe elimizdiń barlyq óńirindegi qoǵamdyq qabyldaý bólimderinde «Ashyq esik kúnin» ótkizdi. Máselen, partııa ókilderiniń aıtýynsha, Semeı qalasyndaǵy saılaýshylarmen bolǵan kezdesý barysynda saıasat alańyna jańa kóterilgen «Birlik» partııasyna degen halyqtyń yqylasy erekshe bolǵan. «Olaı bolatyny, «Izgi nıet! Adal qyzmet! Taza orta!» ıdeıasyn murat etken saıası uıymnyń basty qaǵıdaty – rýhanı túleý, áleýmettik ádildik jáne qorshaǵan ortany qorǵaý», – deıdi «Birlik» ókilderi. Al partııa tóraǵasynyń orynbasary Bolat Baıqadamov «Birliktiń» saılaýaldy baǵdarlamasyndaǵy osy irgeli úsh másele tóńireginde sóz qozǵaı kele, partııa rýhanı qundylyqtardy, halyqtyń tarıhı dástúrlerin saqtaýdyń mańyzyna tereń mán berip, óskeleń urpaqty tárbıelep, qalyptastyrý barysynda osyny bir sátke esten shyǵarmaýǵa kóńil bólip otyrǵanyn jetkizdi. Biz óz mıssııamyzdy qıyn­dyqtardy eńserýge qabiletti ekonomı­kany damy­týǵa, demokratııa men quqyq­tyq memle­ketti qalyptastyrýǵa, bilim berý, den­saý­lyq saqtaý jáne mádenıettiń qazirgi zaman­ǵy joǵary deńgeıine jetý úshin jaǵ­daı jasaýǵa baǵdar ustanǵan saıası ba­ǵytty júzege asyrýdan kóremiz, dedi ol. Kezdesý barysynda Bolat Baı­qa­damov, sondaı-aq, Abaı, Shákárim syndy uly tulǵalardy dúnıege ákelgen Semeı óńiriniń qazaq dalasyndaǵy tarıhı-mádenı oshaqtardyń biri ekendigin tilge tıek ete kele, rýhanı jańǵyrýdyń partııa usynǵan joldary týraly keńinen áńgimeledi. Qorshaǵan ortany qorǵaý má­selesi týraly «Birliktiń» jospary semeı­likterdi beıjaı qaldyrmady. О́ıt­keni, óńirdiń ekologııalyq ahýaly elimizden asyp, álemdi tolǵandyryp tur­ǵan kúrdeli máselelerdiń biri ekeni aıan. Sondyqtan, partııa tóraǵasynyń orynbasary jergilikti halyqtyń osyǵan baılanysty oılaryn muqııat tyńdap, qorshaǵan ortany qoǵamnyń ózi qadaǵalaıtyndaı tetikterdi jetildirý, oblystaǵy óndiris oryndaryn ekologııalandyrý, kásiporyndardy tabıǵatqa zııanyn tıgizbeıtindeı rejimge kóshirý sekildi óz usynystaryn ortaǵa saldy. «Birlik» partııasy ókilderi, buǵan qosa, ózderiniń alǵa qoıǵan maqsattaryn oryndaý úshin tabıǵatty qorǵaýmen aınalysatyn uıymdardyń basyn qosyp, úlken bir qozǵalysqa aınaldyrýdy jos­parlap otyrǵanyn da jetkizdi. «Bul kezdesý partııanyń «Izgi nıet! Adal qyzmet! Taza orta!» degen aýqymy keń uǵymǵa syıyp turǵan baǵdarlamalyq josparynyń ómirsheńdigi men halyqqa qajettigin taǵy bir dáleldedi», – dedi partııa ókilderi. Al kezdesý sońynda «Birlik» partııasynyń ókilderi qaladaǵy saılaýshylardan túsken saýaldardy qysqa merzim ishinde qarap, olardy iske asyrýdyń joldary týraly naqty jaýap beretindikterin aıtty. Láıla EDILQYZY, «Egemen Qazaqstan». SEMEI.