12 mınýtta ótken flesh-mob

Jalpyulttyq sosıal-demo­kra­tııalyq partııanyń (JSDP) Parlament Májilisiniń saılaýy aldyndaǵy saıys­taǵy kezekti qadamy Almatynyń «Ar­bat» atalatyn alańynda flesh-mob uıymdastyrýmen bastaldy. Partııanyń ataýy men belgisin jalaýsha etip kótergen, aq jeıdesin kıgen belsendiler toptalyp turyp alyp, Qazaqstannyń Ánuranyn shyrqady. «Arbat» boıyn jalaýlatyp, ándetip júrip ótken top basynda partııanyń Almatydaǵy fılıalynyń jetekshisi Tazabek Sámbetbaı men apparat uıy­my­nyń jetekshisi Qýat Kúnbolatov júrdi. Flesh-mob uıymdastyrýshylar ak­sııa­sy nebári 12 mınýtqa sozyldy. Partııa belsendisi Qýat Kúnbolatovty áńgimege tarttyq. – Másele partııa músheleriniń sanynda nemese osynda tamashalaýǵa kelgen halyqtyń nópirinde emes, – dedi apparat uıymynyń jetekshisi. – Biz búginge óz aldymyzǵa qoıǵan mindetimizdi abyroımen ári tııanaqty oryndap shaqtyq. Eger baıqaǵan bolsańyzdar, bizdiń partııanyń ret sany «5», sondyqtan da bizdiń atqarǵan jumysymyzǵa «bestik» degen baǵa laıyq. Sybaılas jemqorlyqqa qarsy aıaýsyz kúresti bastaý týraly ura­nymyz da búgingi osy is-sharanyń aıasy­na kiredi. Júrginshilerge «Sosıal-demo­krat» atty óz gazetimizdi tarattyq. Tutastaı alǵanda bizdiń maqsatymyz aıqyn. Ol – eń tómengi kúnkóris deńgeıin ulǵaıtý, soǵan sáıkes, eńbekaqyny, zeı­net­aqy men járdemaqyny kóbeıtý. Zama­n­aýı qoljetimdi turǵyn úı-jaıdyń tolas­syz qurylysyn qamtamasyz etý, ta­bysy az jáne jas otbasylarǵa je­ńil­­dikter engizý. О́zin ózi jumyspen qam­tyǵandardyń resmı esebin júr­gi­zip, olar­dy qalaýy boıynsha qaı­ta oqytý men ju­mysqa ornalastyrý­dy uıym­dastyrý. Bul qatarda kási­podaq­tardyń quqyq­taryn keńeıtý máselesiniń de alatyn orny erekshe. Aýyldardy sýmen, energııamen jáne jylýmen qamtamasyz etýdiń jańa júıelerin qurý, mektep, aýrýhana, jol, mádenıet nysandaryn salý jáne eskilerin jańǵyrtý qazirgi tańda kún tártibinen túspeýi tıis. Qysqasy, aýyldy ómir súrýge laıyqty jáne qundylyqtardyń oshaǵy retinde qaıta túletý qajet. Sóziniń sońynda ol búgingi saıası ak­sııa­­ǵa óziniń kóńili tolatynyn atap ótti. Aldaǵy min­deti­miz – saılaýda Parlamenttiń qura­myna kirý, dedi ol. Partııanyń quramyna taıaýda ǵana qabyldanǵan Halelhan Ádilhanov –úshinshi toptaǵy múgedek. Onyń JSDP-nyń qataryna kirgendegi óz maqsaty bar eken. О́ıtkeni, búginde áleýmettik sala­da qıyndyqtarǵa tap bolyp júrgender de joq emes. Solar­dyń biri – ózi kóri­nedi. Dárigerler II top múgedegin bel­gisiz sebeptermen III topqa kóshirip jiber­gen. Partııanyń jańadan qosylǵan múshesi JSDP jeńiske jetip jatsa, Parlament Má­jilisiniń joǵary min­beri­nen ózi jáne ózi sekildi ádiletsizdik kórgen árip­tes­teriniń múddesin qorǵaı­tynyna senimdi. Talǵat SÚIINBAI, «Egemen Qazaqstan». ALMATY.