Irakta lańkester meshitke shabýyl jasady

ASTANA. 25 aqpan. Irak memleketiniń astanasy Baǵdad qalasynda jankeshtilerdiń lańkestik áreketterinen 15 adam mert boldy. Sondaı-aq, 50-ge jýyq adam túrli jaraqat aldy. Bul týraly TASS aqparat agenttigine silteme jasaǵan egemen.kz tilshisi habarlady. Qalanyń Esh-Shýla aýdanynda ornalasqan meshitterdiń birinde eki jankeshti ózderin jaryp jiberdi. Olardyń biri beldikke oralǵan jarylǵysh zattaryn meshit ishinde iske qossa, ekinshisi oqıǵa ornyna tártip saqshylary kelgen sátte josparyn júzege asyrǵan. Polısııa qyzmetkerlerinen 4 adam mert boldy. Aıta keteıik, osydan bir apta buryn ekstremıstik toptardyń músheleri Ramadı qalasynda shabýyl jasap, 13 adam qaza tapqan. Sondaı-aq, atyshýly lańkester osyǵan deıin birneshe márte ǵıbadat oryndarynda terrorlyq áreketke baryp, tarıhı oryndardy jermen jeksen etken. Jalpy sodyrlar uıymy 2014 jyldyń jazynan beri Iraktyń soltústigi men batysynda shabýyl jasap keledi. Álemdik qoldaý men maıdan alańyndaǵy jeńisterine qaramastan el basshylyǵy áli kúnge deıin bılikti tolyǵymen óz qoldaryna ala almaı keledi. Irak jeriniń úshten bir bóligi lańkester tobynyń basqarýynda. Aıan Ábdýálı. Derek, sýret: TASS.